احد لاغاب له تاثير وليا من حضر له كرت=واحد لاغاب مايثر غيابه في وجيه الناس
ويابن خير الله احضورك شرف وبغيبتك كسرت=خواطرنا عسى ربي يديمك ياعريب الساس
بعد شفت اسمك المتواجد احرفت السهم واشرت=على اسمك من غلاه ومن غلاك وقلتلك لاباس
ياحضرة نايب المشرف بعد حضرت ويش احضرت=من كبار الغنايم والهدايا من ذهب والماس
نسيت بغيبتك موضوع وانت بجيتك ذكرت=على امن العلوم اعلوم في موضوعي الحساس
ماقصر باللزوم الحب باقي وانت ماقصرت=رجال(ن) باللوازم والمواقف ترفعون الراس
وانا باقي على الصدرالشمالي مابعد غيرت=مثل جساس لو ان اسمه الاصلي ماهو جساس
ولا زودت باسمايه مثل غيري ولا كررت=عناويني ولالي كل يوم وكل ليل اللباس
انا استغربت حاجه من كبار القوم واستنكرت=اثره اصحيح ماجوف القدر يظهر به الملاس
وانا ادري لو ابفتح للسوالف باب ماسكرت=وانا مالي دخل والمتهم فيها من الحراس
مادام الكوره ابملعبك من يخطي عطيته كرت=انا لخطيت عطني كرت وليا فزت عطني كاس
لو انك ياسحاب الوسم ماجبت المطر وامطرت=ماكان البدو ترسل يمك النشاد والعساس
ولو انك ياولد فرناس في عرض السماء ماطرت=ماكان احد(ن)عرف في سالفة عباس ابن فرناس

على بحرٍ جميل وقافيه ورّدت ثم صدرت=لقيتك يالشمالي حاملٍ لك وردتين وفاس
بديت بتهنيه وانهيتها بتلميح واستنكرت=عموما انت مبدع يسلم لسانك شعر وإحساس

المشاركة الأصلية كتبت بواسطة الصدرالشمالي (المشاركة 331083) مادام الكوره ابملعبك من يخطي عطيته كرت=انا لخطيت عطني كرت وليا فزت عطني كاس لو انك ياسحاب الوسم ماجبت المطر وامطرت=ماكان البدو ترسل يمك النشاد والعساس ولو انك ياولد فرناس في عرض السماء ماطرت=ماكان احد(ن)عرف في سالفة عباس ابن فرناس