|
هلا هلا يازين عقب المغيبه
هلا هلا يازين عقب المغيبه=الصاحب اللي له زمانين ماشيف دفعت من حالي عليك الضريبه=الله لا يفرق قلوب المواليف أنا أشهدن فرقا المحبه مصيبه=وأنا أشهدنه نار بين المهاديف مقسوم والمقسوم ياقع غصيبه=ماهو على المخلوق بمناه والكيف ومقسملنا ياخذ علينا الغليبه=ويندار في شرس الليال المعانيف وراع الهوى بالنوم مايهتنيبه=ويابي لحاله ويتمنا المشاريف حاله وحال الذيب يقنب قنيبه=ذيبن قنب بين الهضاب المقانيف أليا قنب بين الرواسي تجيبه=املله طول العصير الطهيريف يخيل دربه في علو الزريبه=يبي يميل وحاسبن للصواديف وراع الهوى مثله وطرقه صعيبه=يدريبه العارف وناسن عواريف ياما تعبه من يجيد الضريبه=اللي نهار الكون ميلومه السيف سباع خزرات الجمال المنيبه=درع الجهام ودل وضحن مشاعيف وراع الهوى حتى الليال تغديبه=ماشيه والله مايحسب التكاليف وياصاحبي رقيت عيطا جذيبه=وجاوبت جيع الذيب بين المكانيف عليك يازاهي جميل الذويبه=فرقاك مر ونشف الحال تنشيف راحوبك أسباب العناء والنشيبه=بدون نصوا بضعونهم ديرت الريف منزالهم برض الديار العشيبه=ومسقاه من نو المزون المراديف |
صح السانك ولا فض فوك
|
صح لسانك وبيض الله وجهك على القصيده الجزله
لك كل الحب والحترام |
وياصاحبي رقيت عيطـا جذيبـه=وجاوبت جيع الذيب بين المكانيف
عليـك يازاهـي جميـل الذويبـه=فرقاك مر ونشف الحـال تنشيـف راحوبك أسباب العناء والنشيبـه=بدون نصوا بضعونهم ديرت الريف منزالهم بـرض الديـار العشيبـه=ومسقاه من نو المزون المراديـف صح لسانك قصيده جميله جدا ومبطين ماسمعنا مثل هذا الكلام الممتع0 شكرا لك على هذه الجميله وبانتظار جديدك00 |
الأخ فيحان العلوي ، والأخ نايف ناجي الجابري ، والأخ نداء الغيداني ،
صحت أبدانكم جميعً ولكم مني جزيل الشكر على المرور المشرف والكلام الجميل شكراً لكم0000 |
أنا أشهدن فرقا المحبـه مصيبـه وأنا أشهدنه نار بيـن المهاديـف
مقسوم والمقسوم ياقـع غصيبـه ماهو على المخلوق بمناه والكيـف ابن ردمان نظمت لولو وكملت عقد من الجوهر صح السانك وبيض الله وجهك |
جريح الفرقا
صح بدنك وشكراُ على مرورك المشرف بيض الله وجهك |
, , , صح لسانك وعلا شانك والله يعطيك العافيه على القصيده الجزله بيض الله وجهك مع التحيه |
ابن ردمان
صح السانك ماشالله عليك شاعر تاتي بمفردات ممتعه |
الشاعر المبدع ابن ردمان صح لسانك صح لسانك قصيده جزله ووافيه بيض الله وجهك على هذه الرائعه قصيده عن قصائد قصيده فيها من الابداع الشي الكثير تستحق منا قراتها اكثر من مره لما فيها من الجزاله الله يطول بعمرك يابن العم الغالي وننتظر ان تتحفنا بقصائدك وابدعاتك الشعريه |
الساعة الآن 07:00 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir