يامنيف صوابك شوكتن من شضى الشيف=لاتشتكي يامنيف جرح العوافي
وأنا صوابي بين الأضلاع يامنيف=يامنيف من بين الضلوع النحافي
مبطي عليه أسنين يامنيف ومخيف=يامنيف ولف أرقيقات الأشافي
أزريت لنسى فنهن والغطاريف=وهرجن هوى لنفوس ناسه وكافي
ويامنيف حب مصوبات المواليف=من جنت الدنيا عليه الحسافي
صويبهن يامنيف نومه تخاطيف=ومتبينن يامنيف بين وخافي
عشبن نبت في عاليات الشفاشيف=ومسه ضما يامنيف قدام يافي
مشوهن يامنيف من لاهب الصيف=قبليتن تنسف عليه السوافي
يامنيف هذي حالته والتواصيف=ولا أنت ماتدري سليم متعافي
طرادهن يامنيف ماله مناكيف=ولو أنكفنبه يرجعنبه خلافي
ويامنيف لو ترك الموده على الكيف=سويت مثل مقيلن الفيافي
ويامنيف لو شفت الطواري مراديف=تمش النهار وتسري الليل حافي
شكواي لله مابيدي تصاريف=نوبن عجاج ونوبن الجو صافي