يارحلتن فيها من الناس ميتين=من كثرهم ماحدن يعقب وراها
من فوق منسوعه شروها السلاطين=تسلم يمين اللي لك الله شراها
يابدو ماهي مثل مشي البعارين=اليا مشت ماعاد يلحق مداها
ابطونا قامت تواكل من الشين=وعيونا تدرك كواكب فضااها
صدع براسي بالسماء مشيها لين=غفيت والغفوه هني من غفاها
ماكني الا فاقد الكيف يومين=والكيف للروس العليله دواها
ويوم استويت وقلت الاياحمر العين=تعال قرب يوم صرنا علاها
خوالك الدوشان والاالدياحين=والا رمعنا رمعتن ماتباها
قال انت ويش ادراك يابن الشوامين=رميه عسا تسلم يدا من رماها
انا صعبي والله على عرفك يعين=بعض العرب سبحان ربن حباها
لوعقب الاقصين وعيال الاقصين=حنا نعرف ابنا العرب من لحاها
شوف القصيم اللي اهلها على الدين=روح البلد يالله تسعد مساها
وهذيك كحله دار زبن الضعيفين=عنده لقت من مد جوده عشاها
لو الكرم يزبن ديار الميامين=دار النواحل ينثني في ذراها
اهل الظفر يوم انتهاك القوانين=ربع السعد دوك النقا من نقاها
سقم الكبود مرجحين الموازين=لاهاجت الهيجا خسى من لقاها
ظلن على الاقصى وظلن للادنين=حكومةٍ سبحان ربن عطاها
اشيوخ عند العسر وشيوخ باللين=تمطر على الاجواد راحة يداها
قومن خلقها الله روس وسلاطين=الله واكبر وانشدو مين جاها
ونادو بنا يراكب الطايررره سين=ترا البليه غيرت مستواها
تحيزمو ترا السماء جوها شين=والطايره في ظل ربن حماها
ويوم انزلت قامت تصيح الوراعين=يالله دخيلك فكنا من عناها
وحطو راحيلنا والى الناس باقين=مدري سنع والا كذا من رداها
يازين الارض اللي سكنا بها سنين=ويازين عيشتها ويازين ماها