|
عـايـف الـنـوم
حاولت انام وخاطري عايف النوم=وعجزت ياعمري اذوق المناما بعدك زرع في وسط قلبي له سهوم=وخلاني من غيبتك هايم هياما تعبت في وصلك وحدتني سلوم=ومابيننا لاشك نرفض حراما محروم من شوفتك يازين محروم=وانا الذي معطيك حب وغراما الشوق يلعبي وانا غصب مكتوم=وفي وسط قلبي تاركٍ له علاما صبرت وصار الصبر ماهو بزيزوم=من عقب ماهو وافيٍ لي تماما واصبحت من بعدك انا اليوم مهموم=جتني همومٍ كلبوها عظاما حبك غدالي ياهوى البال مقسوم=قسمٍ يفرحني وقسمٍ ظلاما قسم الفرح لاجاني من يمك علوم=وقسم الحزن لاغبت وين السلاما لاشك في حبك انا اليوم ملزوم=وارخصلك الغالي ولابه كلاما وحاولت انام ولالفى عيني النوم=يوم ان خلق الله تبات وتناما |
بيض الله وجهك وصح السانك
يس لوكنت مكانك خليت عجز البيت الثاني بالصيغه هذي (من غيبتك امسيت هايم اهياما) |
اعجابي بلا حدود
صـــح لسانك |
, , , صح لسانك وسلم بنانك قصيدة وافيه من وافي بيض الله وجهك يالذيب اتمنى لك التوفيق اخيك ابو فياض النويمي |
لله درك
صح الله لسانك وبيض الله وجهك |
صح لسانك يالذيب
.. ولاهنت نص راقي ..و عذب المعاني .. ! سلمت مشاعرك .. دمت بـ إبداعك وحيد الجزيرة |
قصيدتك كفو وانت نوماس وعلمك غانم صح لسانك وانا اخوك على هلقصيدة الأكثر من رائعة من شاعر جزل ومتمكن .. شكرا ً لك من الأعماق على هذا الحضور وهذا الابداع وتقبل خالص تحياتي وتقديري |
صح الله السانك
قصيدة عانقة السماء بجزالتها وأبداعها تحياتي لك |
لاهنت وصح السانك
تقبل التقدير والاحترام وفقك الله |
|
الساعة الآن 11:58 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
