الناس رافقهم وخذ منهـم الزين= ومن عيبهـم جامل بعض ما بدالك
ان قلت اباعدل وميل موازين= واصفي الصافي صفت بك لحالك
ياكثر مايبدي من الزين والشين = كان انت قمت تلقـي الناس بالك
لكـن اذانك صمها وغض بالعين = واليوم شيل من اكـثر الـناس امالك
ماقول كل الناس ميرالكثيرين = اخلاصهـم ماهـو على مابدلك
لو اضحكوا لك كلها بس يومين = وليا انت مع غيرك وغيرك بدالك
قبلك كثـيرين وعقبك كثيرين = واللي جرى للناس قبلك جرالك
بيع الصداقـة من طبوع الرديين = وسر (ن) بطبع اللاش خذ منه بالك
واللاش ماعنده ضمير وقوانين = والطيب دايـم فـيه ضايع وهالك
لو تنعمي عينه وترخص له العين = يغضي بها ويصـد ياعزتا لك
ماكن لك بالطيب عند الردي دين = ينساك وسط الشمس ناس (ن) ضلالك
مير التجارب لك دروس وتمارين = واللي بقي خذله من اللي مضالك
والنفس عـزتها غـناة العزيزين = ورديهـا في وقتنا اليوم سالك
يطشها من دون قيمة وتثمين= يمدي احكيلك عنه والاقبالك
واما لقى المسكين غفلة مساكين = والا بعد لوينكسح وش طرالك
متعود الكسحه وضار (ن) على الشين = ما يصير لـه شين يصير بخيالك
كا نك حياوي بالأوادم حياوين = وكلن على طبعه ترى له مسالك
والضحك لوشـفته ترى فيه نوعين = ماكل من يضحك تحسبه صفالك
والمختفي له با لظواهر عناوين = واللي عطاك العلم كنه عنالك
والعلم تفهـم به قلوب الفهيمين = وإلا الهبيل تناصحه ما درالك
ذاقول من عبر بواقع براهين = ومور مرت واستمرت كذالك