الليله الليله الملعب على شارعين= شارع ماشالله وشارع ودها هاتها
لحم الخنازير مايرضونه المسلمين =لو مابقي في الجزيره غبر حياتها
هذه طبوع الليالي من قديم السنين=الناس تخلط خطاياها بحسناتها
اقعد على الخط للضاوين والسارحين=والمخطيه سجلو لي رقم لوحاتها
العيد مقبل وخلق الله لكم مقبلين =صلو صلات الرضى واقرو تحياتها
حدد مصيرك يسار الدرب ولايمين= لا عاد تجلس على القهوه ومقهاتها
ياللي تمنى رحات القوم تطحن طحين= ان كان عندك علوماً طيبه هاتها
الدله اللي شربناها براس القرين=تكفي عن السكه القشرى ولفاتها
عينت يمناك عند القرد وابالحصين =مديتها مير ماسميت مداتها
الأربعه والثلاثه مرو الأربعين= حتى شيوخ العرب تحمى محلاتها
انا لبست العقال الزين والحظ زين=خل الملقف تضيعها لقافاتها
الياسمعتك قريت الفاتحه قلت امين= لو ان عينك تخالفني بنظراتها
لو لا التواضع ماصلينا على الميتين= لو كان بعض البشر ماتقبر امواتها
اليا قرينا قرايه تنفع المؤمنين=قامت خزاعه تصيح وترفع اصواتها
حنا نحافظ على المسكين والسايلين=حتى اليتيمه عطيناها لبن شاتها
سبحان رب(ن) عطاك الروح وانته جنين= واصبحت عيه وحرب تجيك عياتها
صبرك على الجوع لو تشحذ مع الشاحذين=اخير من مدت(ن)في غير حزاتها
ياحرب تلقون ابو نيه وابو نيتين= ماغش حرب المدينه غير نياتها
انته وانا يالرياحي كلنا سالمين= والناس قامت تلفت في قراباتها
اللي يبى معركة حطين والا حنين=ويطب في وحّده ويذوق لوعاتها