= ( ساعة الكنّة )
=الآه والويل والونَه
=والحزن والهم والتعذيب
=تجمعوا ساعة الكنَة
=لحظة حبيبي نويت تغيب
=( يجرح )
= مثل الحجر قلبه القاسي
=يضحك ونا الهم ذابحني
= حتى ولا يرحم احساسي
= يجرح إذا جاء يمازحني
=( مجنونك )
= ما جيت أدور عن الأسباب
= اللي بها بعت مجنونك
= جيتك مسامح بدون عتاب
= واسأل عن الحال وش لونك
= ( الطيب )
= كلن يعد الذي واجه
= ويجازي الناس باللي جاه
= واللي رضا الطيب منهاجه
= ما يحصد إلاّ فعل يمناه
= ( متساوية )
= متساوية كلها عندي
= إن رحت عنّي أو انك جيت
= مانته بضابط ونا جندي
= أعطي تحيه إذا مريت
= ( الونّه )
= يا اللي تقول الهوى جنّه
= تضحك على مين يا خينا
= ما تسمع الآه والونّه
= كل ما نصيناه وجينا
= ( الأيام )
= أشوف الايام تلعبي
= مثل السفينة مع الأمواج
= يا الله يارب تلطف بي
= ولا تسيني للملا أحتاج