ملتقى قبيلة حرب الرسمي - ما غير انا واللي لخوتهم ارتاح00شبيكان ومساعد وفراج وفريح

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

ما غير انا واللي لخوتهم ارتاح00شبيكان ومساعد وفراج وفريح

يازين شبة نارنا عقب مرواح=في واديٍ مابه عواصف ولا ريح
نارٍسناها يشتعل تقل ملواح=يجذب سناها مثل نور المصابيح
ولفاحت الدله وبرادها فاح=نصبها لاهل الوجيه المفاليح
وزانت سوالفنا وعنا التعب راح=وكلٍ عن اللي حاك في صدره يبيح
ماغير انا واللي لخوتهم ارتاح=شبيكان ومساعد وفراج وفريح
خوينا عن قلبه الهم ينزاح=والضيف يلقا عندنا هبة الريح
بارضٍ خلا نمشيبها تقل سواح=تبري قلوب اهل القلوب المجاريح
ويازينها لغيمت والمطر طاح=سبحان منشيها سحابٍ مراويح
رعادها زلزل وبراقها لاح=وقمنا نسبح منزل الغيث تسبيح

ماغير انا واللي لخوتهـم ارتـاح=شبيكان ومساعد وفراج وفريـح

والنعم والله فيهم وفيك
رااائع يابو سامي
نحن بانتظار مالديك من مخزون شعري جميل

لاهنت وصح السانك

تقبل التقدير والاحترام

وفقك الله


	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسااااااانك لاهنت على هالروعه

قصيده رائعه

صح الله لسانك وبيض الله وجهك

جزل لا عدمتك

تحياتي

اخوك

اقتباس:

المشاركة الأصلية كتبت بواسطة نداء الغيداني (المشاركة 312088)

الله واكبر ياطيبها رحله وياطيب اهلها صح لسانك يانداء الغيداني وعلاء شانك ولاهنت انت والنشاما اللي معك في هذه الرحله اللتي يتمناها كل مطنوخ واخوياه شرواك وشروا شبيكان ومساعد وفراج وفريح نقوه رجال والله صح لسانك وهذه دره ثمينه لاهنت وتحياتي لك وللجميع

الشاعر القدير
نداء الغيداني
صح لسانك صح لسانك
قصيده جزله ووافيه
بيض الله وجهك على
هذه الرائعه والمتميزه
عسى عمرك طويل يابو سامي
وابد ماتخوي الا النشاما
اللي مثلك وشرواك يالغيداني
وننتظر ابداعاتك الشعريه القادمه
ياشاعرنا الرائع

صح الله لسانك
ولاهنت
وسلم فكرك وبنانك
دمت برعاية الله وحفظة