جوني وقالوا ودنا انا نتخاوى = نبا نسافر يم لندن ومدريد
قلت اسمحولي يا وجيه النداوى=عسى سفرنا لديره الغرب مايعيد
الغرب غرب ولا لنا فيه ماوى=ولا عندنا للي يبا يروح تاييد
مانروح لديار الكفر والمهاوى=حنا نخاف الله ونخشى المناقيد
اناخوي اللي يحب المخاوى=فوق الجيوب اللي عليها صناديد
الى عقدنا الراي مابه مراوى=نقطع طواريق الخلا لوهي بعيد
ننام في جوٍ ذيابه تعاوى=اخير من نوم على دافي (البيد)
بارض خلا منها العليل يتداوى= لسار في وادٍ سيوله تراديد
جوه وجو (ام الضباب)يتساوى=ومن اين ما وجهت تلقا به الصيد
يا زينها هدت صقور تهاوى=على الارانب والحباري ملا بيد
بفياض 0 لا فيها 0 بدو 0 لا قراوى= غير الظباء ووعول كبر المفاريد
ليال نقضيها وكنا جلا وى= عندي تصير ايامها كنهاعيد
وكل الهموم اللي بقلبي تشاوى=لاصار معي 0 سعود0وسعود 0 ورشيد

وكل الهموم اللي بقلبي تشاوى = لاصار معي سعود وسعود ورشيد

المشاركة الأصلية كتبت بواسطة فهد البدراني (المشاركة 296132) صح لسانك يالغيداني وعلا شانك

المشاركة الأصلية كتبت بواسطة علي الحصني (المشاركة 296139) الشاعر نداء الغيداني صح لسان كلام جزل غير مستغرب منك شاعر مثلك لاهنت وكل الهموم اللي بقلبي تشاوى = لاصار معي سعود وسعود ورشيد صح لسان ونعم بلجميع

المشاركة الأصلية كتبت بواسطة تركي الشاماني (المشاركة 296148) الله الله صح لسانك يالغيداني وبيض الله وجهك لاهنت

المشاركة الأصلية كتبت بواسطة لمعة الجليد (المشاركة 296150) الشاعر / الغيداني نداء ... صح لسانك وسلمت يمينك وعلا شانك ... ؛ ؛ ؛ لكن ألا ترى معي أن النفس تتوق لرؤية تلكمُ الديار فقد حباها ][ الخالق ][ بعضاَ من الجمال ... ألا تود رؤية (( ساعة بيج بن )) في لندن ... أما مدريد (( فلا تناقشني بها )) يكفي أنها عاصمة (( أسبانيا )) ... ؛ ؛ ؛ الغيداني نداء ... أسعدك الله دوما ً في ربوع بلادي (( السعودية )) ... ؛ ؛ ؛ أوركيدا لشاعر ولقافيته ... ولكن عذرا يالغيداني ... فلأسبانيا مني (( باقاتٌ من الأوركيدا )) ... ؛ ؛ ؛ لمعة الجليد...