سقا الله يوم به غيمه ،على درب الهوى ياحسين =على شاطي البحر جالس بذاك اليوم عصريه
كثير الناس تستمتع وبعض من العرب ماشين =وانا بحالي على الشاطئ لا مني ولا ليه
ومرت كنها الظبيه تثنى بالخطى وتلين =تسلهم بالعيون اللي غطاها اجناح قمريه
بعد مرت وثم مرت كأن البنت في تمرين =قلت يازين دخيل الله من عيونك عن السيه
الا يازين ما ترحم فؤاد المغرم المسكين=رجف قلبه مع الروحه ورجف قلبه مع الجيه
قالت يالله ! وتغازل . كيف قلبك يحب اثنين؟ =وشكلك انت متزوج ومعاك وليد وبنيه !!
انا ما حبها الضره ولا العب على الحبلين =ابيه اللي يبيني له هو يكون بس ليه
قلت انا ايه متزوج بس قلبي يحب الزين =وانتي حيل مزينه وفيك اوصاف حوريه
ترى قلب الرجل واسع ياسع بالهوى ثنتين=واكيد اقدر احب اثنين مثل ما حب عينيه
صحيح ان العرب واجد وكثير من العرب زينين= بس شوفي ترى مثلي انا يابنت مازيه
قالت بالله . وش زودك وش تفرق عن الباقين؟=كل الناس ابن تسعه وفيه من الحلا ميه
قلت اعجبك لي نظره على درب الهدى والدين =واقدرها الحياه اللي على أساس مبنيه
ادلل زوجتي بالحب اشاركها العسر واللين =وحقق كل ما تطلب اذا توصل له ايديه
اصاحب زوجتي ونصير احلا صحاب وزوجين =وانا ما حبها السفرات ولا صاحب عزوبيه
قالت كلام السعه هين ولاندري عنه بعدين=لكنك خفف إغرورك كأنه زايد اشويه
ترى حنا بنات الناس ماحنا من الغاوين =ولاحنا مع الطارف نصدق ذيك او ذيه
علينا من الشرف جلباب وحنا بالمهر غالين =ومن يبغا بنات الناس يجيب ارجال جاهيه
ويحقق كل ما تطلب وثاث لفلته دورين =ترى بنت العرب ماهي على ماقيل هنديه
ذكرت وقلت ياربي تهون ذا الزمان الشين =حتى الزين يتشرط ولا به بي ماويه
ترى يازين هالاسهم كلت مانجمعه بسنين =وزود بلة الطينه غلا الميتين بالميه

المشاركة الأصلية كتبت بواسطة "سالم العجمي" (المشاركة 293376) ترى يازين هالاسهم اكـل مانجمعـه بسنيـن وزود بلـة الطينـه غـلا ميتـيـن بالمـيـه هههههههه هجل تبيها بالتقصيط ياورقان؟ صح السانك قصيده جميله ومحاوره شرسه وانتهت بخسارات الاسهم :)

المشاركة الأصلية كتبت بواسطة أحمد الحربي (المشاركة 293381) ترى حنا بنات الناس ماحنا من الغاوين ولاحنا مع الطارف نصدق ذيك او ذيه علينا من الشرف جلباب وحنا بالمهر غالين ومن يبغا بنات الناس يجيب ارجال جاهيه شوقتنا ياخوي لجلسات الشاطي ونسيم البحر بهذه الابيات التي انعشتنا بنسيم الشعر! ابو عبدالعزيز صح السانك 00 ويعطيك العافيه 00 تقبل مروري وتقديري 0[/align]

المشاركة الأصلية كتبت بواسطة القيصر (المشاركة 293386) اخوي الغالي ابوعبدالعزيز صح لسانك قصيده اكثر من رائعه

المشاركة الأصلية كتبت بواسطة احمد المرعشي (المشاركة 293388) ترى قلب الرجل واسع ياسع بالهـوى ثنتيـن واكيد اقدر احب اثنين مثـل مـا حـب عينيـه الله الله ابو عبد العزيز والله ابداااااااااااااااع وقمه في الروووووووووووووووووعه صح السانك وصح قلبك وصح فكرك ايها الراااااااااااااااائع واااااااااااااااااافر ودي وتقديري لك.......