ياسلام الله سلامن قبل مايبدى الكلامي=من هواجيس الضماير من معزه مبتداها
الخيام اللي وتدها مايثُبت للخيامي=هبت أهبوب الهبايب وقلعتها من ثراها

ياهلا يامرحبا من بعد رديت السلامي=من هجوس الشاعر اللي كل دره في حراها
ما نحرم الحلال ولا نحلل الحرامي=الحقيقه واضحه والارض فيها من لقاها

البقاء يلي ترحب قلتها حسب النظامي=والليالي في سراها والقوافي في سراها
مايشيلون الوسامي غير من كفو الوسامي=وانتبه يالقرم بعض الناس ماتجهل خفاها