يا ديرةٍ ما تعرف الزيف و الغدري= طيب اهْلها جوّد التاريخ توثيقه
الديره اللِّي الى جيت انشرح صدري= و ان رحت عنها يصير الصدر به ضيقه
و ان كان تسأل عن الاسباب ما أدري= مغير أشفشف لها و البعد ما اطيقه
مدري هو الضلع و الا الحمض و السدري= و الا النخل مع كوافيره و تفليقه
و الا المفالي و بيت الشعر و الخدري= و الا قصيد الغَزَلْ و غنا طواريقه
و الا الى نمت طول الليل من بدري= و مع طلعة الفجر أفوق، و زينها فيقه
و الا لصيد الحجل و الوبر والكِدْري= و فراق ديرة غراب البين و نعيقه
و الا جفا للجبيل و ريحها الودْري= لا رِحْم غاز المبيد و بار تسويقه
لا خيَّم الليل شالوا غطوة القدري= و اللِّي سكن بالمدينه نشِّفوا ريقه
يا ما حلى شرب ما "الشعراء" و هو كَدْري= أخير من تحلية ماهم و تلفيقه
الوقت خارج حدوده يعتبر هدري= هذا بذوقي و كلّ(ن) له مذاويقه