ملتقى قبيلة حرب الرسمي - التصويت للكسرة الأسبوعية الثانية ،،،،،،

صبحكم الله بالخير
اليوم إن شاء الله يبدأ التصويت على أفضل رد على كسرة المسابقة الثانية
بين شعرا ءالكسرة و كل كسرات فضلى و رائعة
و كان البدع

سلام بعداد ما يروى = دوح(ن) من غيوم و مزوني
أحلى من الشهد و الحلوى = و أغلى من الدمع فالنوني
لي قلب و الله ما يقوى = جرحه على جرح مطعوني
كيف العمل و الدوا و الدا = من طيف ما فارق عيوني

و كانت الردود ........

اقتباس:

المشاركة الأصلية كتبت بواسطة شموخ الحربي (المشاركة 280492)

*
*

سلام يا مضيع الهقوى=باللي سكن وسط الإجفوني
هذا بلاه الذي يهوى= شخص ٍ و لو كان مزيوني
الحل عندي لهالشكوى=موجود بالخير مخزوني
قم اجتهد وارفع الدعوى=الخالق يزيل الإحزوني

اقتباس:

المشاركة الأصلية كتبت بواسطة لافي (المشاركة 281992)

يامرحبا عد ما يُروى=فيض(ن) من الشعر موزوني
وأغلى من الفانية وأصفى=من صافي الدر مكنوني
من حكَّم القلب ما ينسى=اجروح وطعون وغبوني
سبحان من يعلم النجوى=اللي له العمر مرهوني

اقتباس:

المشاركة الأصلية كتبت بواسطة فواز الزويهري (المشاركة 280680)

ترحيب.. شادي.. لكم سلوى=عن جرح غاير ومكنوني
الطيب.. لابدله ..جدوى=فالناس.. واسمع لمضموني
الجرح لابطى.. ترا يكوى=والكي ..بعد العنا ايهوني
داري على الوصل ...لو تشوى=ولو مت ..بالروح.. ممنوني

اقتباس:

المشاركة الأصلية كتبت بواسطة المزبان (المشاركة 282062)

ترحيب ياراعي التقوى=يمشي على كل مضموني
مثل الذهب بالغلا يسوى=في ايدين تجار موزوني
تشكي وياليت من جدوى=في طب يسري على هوني
لاهوجس القلب بالنجوى=طبـيبه يقول تعفوني!!

اقتباس:

المشاركة الأصلية كتبت بواسطة ورقان (المشاركة 282199)

يامرحبا وجيتك منوى = جية على كيف مضنوني
احلا من المن والسلوى = واجمل من اورود يجنوني
القلب ياهل الهوى يهوى = لاشك لو شاف مزيوني
والبعض ياصاحبي بلوى = مسكين لا صار مفتوني

اقتباس:

المشاركة الأصلية كتبت بواسطة حميـد الحميدي (المشاركة 282214)

إِعدادْ مِن الرشَا مَايطْوى ..... في جَمْة(ن) تَنْبَع عيوني ..
يَامرحبـــا تَرحِيبه تَسْوى ..... يَامرحبــا عِدْ الـمـلـيـونـي ..
إرْقــى على نـَايفَه علْوى ..... ثمْ هيجنْ عليهـا لـحـونـي ..
خذها نصيحة وخذْ فتوى .... منْ ضحيه صـارْ مجنوني ..

اقتباس:

المشاركة الأصلية كتبت بواسطة ذيب نجد (المشاركة 282670)

بعطيك انا ابيات والهقوى = تلقى بها الحل مضمونى
ان كان طيفه هو البلوى = وزود على جرحك طعونى
اما يجى كيف ماتهوى = وتصير فى عيونه النونى
ولا اتركه واطلب السلوى =ممن فرج هم ذا النونى

اقتباس:

المشاركة الأصلية كتبت بواسطة سالم البشري (المشاركة 282854)

ترحيب منشور مايطوى=زايد عن الألف مليوني
نفتيك ياراعي الشكوى=ونفيد لاقلت فيدوني
قلبك معلّق على رجوى=في علمها غيب وظنوني
لاتزيد بلوى على بلوى=خلك نظامي وقانوني

و الآن بعد هذه الردود الرائعة من شعرائنا الأفاضل نرجو منكم التصويت لما ترون أنه أفضل رد

و لكم وافر التحية و التقدير