مديت يمنايه ادوربها الطيب=ماني من اللي ينتظر وش وراها
نمشي على ضوء القمر للمكاسيب=يومن بعض الناس نوره حداها
نمشي بعز وللمراجل مقاضيب=يدريبها الصاحي ويترك رداها
ياهيه هاك العلم من دون ترتيب=العز عز النفس من ما بلاها
اهل المناصب لوتحفظ المناصيب=مادارت الدنيا وثبتت خطاها
وياوجد حالي وجد ياهل المواجيب=أقولها واعيدها من غلاها
أهل المجالس والنشاما هل الطيب=يشفق عليها القرم حتى لقاها
وسط المجالس فيه حل الأطاليب=تلقى الشكاله والنشاما حلاها
قٌلت بوقت العولمه والتعاجيب=يالله عساها تعود يالله عساها
والنيره اللي ما تحفل المعازيب=ياجعلها يدفن عليها ثراها
لا وهنيك ياطوال المراقيب=ياصبركي لامن هبت هواها