راكب اللى مامشت بارض الحماء=فوق هام السحب والجو النفيه
كنها الطير بسماه ليا زماء=فوق متن الريح ينهض ساعديه
وقادها اللي يوم نشاها سماء=عارفٍ وين الطريق اللي تبيه
وسط جوفه شايب ماهو عماء=حاكمٍ بالعدل ماتملك ايديه
لاجلس وسط الكبينه ما ارتماء=طول عمره ماسمع كلمة وليه
ان نظر قدام والا بالغماء=كل شيءً في لزومه يحتريه
والمساعد عن يمينه كلماء=التفت له قال حاضر وش تبيه
فاهمين اثنينهم بالانضماء=اجسدين بفكر مليان ونبيه
كابتنٍ مامون شغله وانتماء=للقياده من عصور امه وابيه
يعني اسرتهم عليمه واقدماء=للفضاء ودراسته قاموا عليه
ودرسوهالكبتن اللي ملهماء=والشهاده دربها يمه نزيه
واستلمها من ولايات اعلماء=ديرتٍ علم الفضاء هي تحتويه
مانلومه كل شي امقسماء=عاش بديار التقدم وش عليه
ماشكاء خلف الرعيه من ضماء=ولافرك من فقد ذوده راحتيه
المهم بسيرته مانلزماء=غير علمه لوبغيت اتقول فيه
معه بالرحله مشينا عندماء=جات دعوت شيخ والواجب نجيه
قلت عجل بس قام يتمتماء=قلت انا فيما تقولونه فقيه
هاو اباوت تيك تايم ريثماء=تاصل الرحله لدار نهتويه
قال اباوت ون اور ثم افهاء=وننتظر منك السوال اللي يليه
قلت ماعندي سوال مبهماء =بس ناصل من تعنينااليه
الاميراللي على العلياء نماء=والجزيل بحر ماله يشتريه
النحيتي طيب ساس ومسهماء=كل عالي للمراجل يعتليه
سالم محمد حجاب ويسلماء=راس من ينهض لراسي حاجبيه
يوم جتني دعوته له محكماء=نصخر حصان الضروف ونمتطيه
في مناسبتٍ إلراعيها يماء =تنتضرها شوق فرحة والديه
خالد السالم تخرج مكرماء=في نجاحٍٍ كل غالي يرتويه
الف مبروك التخرج عدماء=لاح برق ٍ والهبايب تقتفيه
والمراجل يابو سالم سلماء=وانت في مبداك والمبداء وجيه
والله انا نفتخربكم طالماء=نفتخر في زيك اللي ترديه
مثلك اليومه فخرنابه كماء=فارس ماجوب ربعه يحتميه
عاش راسه للمراجل معلماء=بين ربعه واقرباه وبين اخيه
والرجل دايم إيهاب ويحشماء=والقدم يقداصوابه ناضريه
والقصيده بالتحيه تختماء=من هجوس الشاعر اللي تنتخيه
ياقف امام الحضور مسلماء=حربيٍ ميقاف ربعه مانسيه