إشرح ظروفك بالحروف وارسم همومك خاطِرَه = وانا همومي لو تنوف حملتها بحر القصيد
حرفك وقافي للبشر تعطي معاني عاطِرَه = وَاَلامنا حد الخطر حتى الصبر صفى الرصيد
المستمع واللي قرا في ظنهم أبَاطِرَه = الكل يغبط مادرى والشمس تحرق فى الجليد
لاشفت لي برقٍ برق قمت آترقب ماطِرَه = وااقول ياقلبي فرج جات الأماني ماتريد
اانا انتظر خلي يروف وانتي كذلك ناطِرَه = ملّ الصبر والأسئله من كثرها ساع البريد
على المواني نلتقي على رصيف القاطِرَه = على مطار الطائره يمكن نلاقي مايفيد
العمر يمشي ماوقف لو هُو بيدي آطِرَه = وانتي وانا كلمة وفا لجل الاحبه من حديد
ياصبر قلبي ياصبر بالصبر ربي فاطِرَه = وانا اشهد انك بالصبر بين البشر طبعك فريد
طعن الهوى في صدته ياكثرها مخاطِرَه = والفارس اللي مايحيد لو طعنته بتر الوريد
ودي بهمّك نقسمه وقلب العنا آشاطِرَه = ارمز لهمي بالهوى لو كان انا سدي بعيد

المشاركة الأصلية كتبت بواسطة ابومشعاب الحربي (المشاركة 280937) صح لسانك كلماتك غايه في الروعه أحييك على هذا البوح المتميز دمت ودام شعرك وبوحك