يا سلام الله بقاف تولع منـه نـار.
 

الجبرتي




يا سلام الله بقاف تولع منـه نـار.
واستمع في جابتي يا ولد وافطن لها
أنت ثوبك فيه بنزين والبنزين ثـار
والمطافي تطفي النار لو ترسل لها



المسعودي




مرحبا يا الشاعر اللي يقررها قرار.
والمكاسب في جيوبـه ومتحثلهـا
لو عيونك شوفها زين وتحق العيار.
كان ما دورت من للطريـق يدلهـا




الجبرتـي




عز حال اللي يبي منك فكره وافتكـار
.ضاعت أفكارك وضاعت علومك كلها
وأنت سنك وشكلك وشغلاتـك كبـار
شي تحايلها وشي ما قدرت تحلهـا




المسعودي




يا الجبرتـي لا تغبـر ويعميـك الغبـار
لا يقع روحك تحسب الغبار أحسـن لهـا
وأنت شايب وأبيض الشيب لأصحابه وقار
وأن دعيت أليا كرامه سريع أعجـل لهـا




الجبرتـي




الكرامة للرياجيل في كـل الديـار
والرجال الطيبين الكرم يحفل لهـا
حط لي وقعك بيمناك وألا باليسار
والدوادي يا ابن مستور عني خلها



المسعودي




بعض هرج الليل زبده يميعها النهار
.شجرتك اللي ظليله تشح بظل لها
البخيل الله يعافيك بيته بيـت فـار
من هنا يحفر من هنا يدفـن لهـا

مشكور و صح لسان الشاعرين

بيض الله وجهك اخوي راعي الحناكيه

الله يبيض وجهك يالغلا
رحم الله الشاعرين

فهم عاشا عصرها الذهبي

لاهنت الله يبارك فيك