الهي يالهي ياوليٍ كون الاكوان=خلق فيها المجرات وخلق مجرى كواكبها
الهي خالقٍ(ن) سبعة سماواتن بلا عمدان=وزين بالنجوم الساطعاتي في مراقبها
الهي خالق الارض وخلق من طينها الانسان=وزرع فيها النبات الوان تنبت من ترايبها
الهي مرسل(ن) رسلك لكل الخلق بالاديان=وكل الرسل ترسل بالدايانات وكتايبها
الهي مرسل محمد ختام الرسل بالقران=تنزل بالوحي جبريل في مكه وشعابها
اله وسط مكه بيتك اللي ثابت العمران=جميع المسلمين يجونه وتطلب طلايبها
الهي عند بيتك طالبك يالواحد الرحمن= الهي تنقذ اهل القدس من قومٍ تعذبها
اله مالهم غيرك عبادك ياولي الشان= سنينٍ يطلبون الناس مااحدٍ قام جاوبها
الهي كم منازل دمرت في وسطها سكان=الهي ماهنو بالنوم ليله من مغاربها
الهي كل يومٍ ينتهك في عرضهم ويهان=اله ذبحو اطفالهم داخل ملاعبها
الهي زادت اسرئل فالدنيا على الطغيان= الهي رد كيد اهل الصلايب في صلايبها
الهي طالبنك عبرتن في قايد العدوان= تجيله علةٍ من سد عله مايطببها
الهي يالهي طالبك يالخالق السلطان=الهي ورهم نارك تحرقهم لهايبها
الهي لاتبقي من الشايب ولاالشبان= عليهم ليلٍ اسود والصواقع من سحايبها
الهي خلهم عبره فطول الوقت والازمان=الهي خلها للغرب عبره في قرايبها
الهي طابك تقبل دعايه واطلب الغفران=وتنصرنا على على العدوان في شتى جوانبها
وصلى الله على محمد عدد ماهلت الامزان= شفع الخلق يوم الخلق ماتخفى غوايبها