في ليل مِدْجِى مستَقلة نجومه=فاض الضمير وسيل الدمع همال
من قلب يرجف نعنبو من يلومه=هالة مثقلة الثقايل والأحمال
هاله سحابٍ في سمانا غيومه=العارض اللي أمطر الجال للجال
قمنا نتباشر به ونشرب سمومه=والماء تكدر والضمأ كدَّر البال
عفنا وعافت .. نفس أول ترومه=من نار تقبس زفرته كل ما سال
وزاد سيل العرم ثقَّل همومه=قام يتوقى .. جبال من سدها جبال
والعبد مم شاف ضاعت علومه=أظلم عليه الليل من كثر الأهوال
قام يتفكر كيف بقعاء تحومه=ولا عد له عِدَّة ولا عَد الأجيال
خسران مقفي غادية به حلومه=روح مسافة ما تقدر بالأميال
باع التجارة بيتعوض سلومه=يكيل من دنياه من دون مكيال
ما يدري أنه باع تالي سهومه=وباع حت القوس من مايل الحال
وأقول منه يستظل ضل دومه=لاطاب مجلاسه ولا طاب له فال
ومنه حسب للباقية طاب نومه=في يوم لا ينفع عيالٍ ولا مال