محاورة بين معيض العجي الحربي وخلف بن هذال
هذه المحاورة بين الشاعرين معيض العجي الحرب وخلف بن هذال العتيبي وهي من العصر الذهبي لشعر المحاورة :
معيض : = وبالمناسبه : يوم جابتنا اليالي ياسلام الله برده = من حقوق الله على اللافي يباشر بالسلامي بشتري وأبتاع لو لي عن جبال طويق مده = هي تجي بالوسط وان منتحي قبله وشامي خلف : = البقاء بالشاعر اللي يوصل المكيال حده = عالم ٍ يحفظ كتابه مع مفسرة الحلامي من جبال طويق حتى تنتهي في بحر جده =البلاد بلادكم والأصل يعرف بالأسامي معيض : = ما يهون التاجر اللي يعطي الطلاب سده=مايبور بعملته لو دونها عشرين عامي الوفي يافي ليا جاب الوفى خاله وجده=ويش بصرك بالجمل شقران مردوم السنامي خلف : = أكثر التجار خسروا بالسنين المستجده = والسبايب يالعجي خلط الحلال مع الحرامي الجمل شقران يبرك والوسيمة فوق خده=قادها اللي قادها لين لحقت مخ العظامي معيض : = الحكيم ليا بنى بني الشرف ماقط هده=والعرب تعرف شعاع النور جلاي الظلامي أنت ياللي جبت لي العلم في طرقتك وده = قالوا انك ياصليب الراي ميبوس الحزامي خلف : = أنته الرجل الحكيم اليا تلووا بالأشده = والعرب تارد على الحجه مثل ورد الحيامي مانودي علم مابرق عميلي في مرده = العلوم محدده ومعقدة وأفهم كلامي معيض : = أنت متحكم وسيف ذياب تدري ليش حده =والعرب نامت ونقال الوداعة ماينامي العرب كلٍ فصل ثوبه على طوله وقده =غير ذاك اللي مرامه مايوافق مع مرامي خلف : = خابر انه يوم حده للبلاوي دوب ضده=علم اللي ماتفيد إبه النصايح والعلامي أشهد الوقت يامعيض العجي ماعنه صده=بس لو أحركه يزعل خوالي مع عمامي معيض : = تدري اني كد نصحته قبل يظهر حشو بده = مير عاصاني وطاوع ولد أبو عليا التهامي الشاعر معيض العجي من كبار الشعراء إلا انه لم ياخذ حظه من وسائل الإعلام وربما يعود ذلك لكونه من عدة سنوات شبه منقطع عن المحاورة لكبر سنه وقد قال قصيدة في ذلك منها قوله عن الملعبة
طرى عليه حب كاملة الأوصاف=مولعة راع اليمن والشمالي ياما سريت إلها اتحذرف تحذراف = وبديت واجبها على أم العيالي وياما بقيت لطلعة الفجر وقاف =ماكني إلا فوق قطن وزوالي واليوم شبت وشفت بالركب الإنكاف = وسلمتها يمنا الرفيق الموالي سلمتها يمنا رجاء الله وصياف = عوق الخصيم انكان حل الجدالي اللي مواقفهم إلى جات تنشاف=لا جاء نهارٍ فيه مثل القتالي |
راع البل اشكرك جزيل الشكر ماقصرت محاوره من ذهب وشعراء لايتكرر ون على الكوره الارضيه رحم الله الشاعر معيض العجي وطول الله عمر الشاعر خلف العتيبي |
بيض الله وجهك على الملعبه الرائعه
والله يعطيك العافيه على المجهود الكبير اتمنالك التوفق اخيك ابوروان |
الاخ راعي البل ماقصرت يالغالي بيض الله وجهك تحياتي الصـ الجارح ـقر |
يعطيك الف عافيه اخي راعي البل مشكور وماقصرت على النقل الجميل تحياتي وتقديري عاشق بريده |
شكرا لك اخي على المشاركه الرائعه دمتم بخير |
الاخ راعي البل الله يعطيك العافيه محاوره رائعه وابيات معبره ورائعه مشكور ماقصرت يالغالي تقبل تحياتي |
بيض الله وجهك و رحم الله معيض العجي |
يعطيك العافيه اخي راعي البل وبارك الله فيك على المجهود الكبير اخوك سلطان |
صح لسانكم ..
.. أسجل اعجابي ويعطيك العافيه .. |
الساعة الآن 08:57 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir