مرحبا عند حرب عيال أبويه وجدي=مكرمين الضيوف منزحين الأعادي
ودي أزهم على مبروك يالربع ودي=شايبٍ طول عمره في غزال الشدادي
كيف تنسى السلام اللي عليه التقـدي=سنةٍ يارجاء الله للحضر والبـوادي
مدري أنتم تبون الصلح وإلا التحدي=أنت عطني علومك يا ذريف الزنادي
ما نسيت السـلام ولا تعديـت حـدي=وكان زليت يا سبحـان رب العبـادي
أنت في حال ضد وحال ما أنته بضدي=لا كن الجو يا مبروك ما هو بهـادي
أنت خابرك دايـم باللـوازم تسـدي=يوم ضرب السهوم ويوم نادى المنادي
الحقيقة تحملنـي بمزحـي وجـدي=وأن زهمتوا علينا ما حدتنا الحوادي
كل الأيام قد الضلـع والضلـع قـدي=لو أشوف البقيلي بيـن حـرة ووادي
ما أتحمل خطاك وهد سرعتك هـدي=أنت عادي وبعض الناس ما هو بعادي
يارجاء الله ليـا قابلتنـي لا تصـدي=داير الكاس بين النصـر والأتحـادي
كل حربي ليا منـه بنـى مـا يهـدي=وأنت من عزوتي وأنته يا غاية مرادي
كيف أبا أصد يا شايب لزمتك بيدي=من يفكك بعد لزمتك يمناه غـادي
فيه ناسٍ تقيم وفيه نـاسٍ تشـدي=والزبيدي بجنبه نار تحت الرمادي