عبدالعزيزالعتيبي وشاعرحرب/مبروك الحربي(ابو ناب) 1425هـ في زواج عبدالرحمن عطية الله البلادي - رابغ

سـلام رديّـةٍ ميزانهـا معتـدل=
ماجيت من قلب نجد إلا على شانها=
مبروك قالوا جمل يشيل مثل الجمل=
والحملة الجايرة ما يبرك وزانهـا =
يا مرحبا مرحبا ترحيبةٍ كالجبـل=
من ربعةٍ فالمعارك طالت ايمانها =
إنت شبابي ونا معك في كل المثل=
يوم الأعادي علينا شبت اعيانها =
اللي تجينا بها تلقى جزاهـا دبـل=
واللي يعرف البضايع يعرف اثمانها=
اليا...سوقها جنّب ولالـك دخـل=
الحبة القاسيـة يجيـك طحّانهـا =
لا تحسبن البضايع كل ابوها عسـل=
مبروك يقضب عيال إبليس بلسانهـا =
إن كان باغ الهداية مع دروب الرسل=
وان كان باغ الحرابة شب نيرانهـا =
لو ان عندك عسل حوّل عليك النحـل=
وبضاعة الحضرمي في جوف دكانهـا =
الدرب الأول وعر و الدرب الآخر سهل=
دوّر سهول الديار و كـب ضلعانهـا =
الآدمي ما يغشه غير خبث العمـل=
وشلون دارك يابو قسمين وشلانها =
عبدالعزيز العتيبي يلحق آبو جهـل=
ما غير نأخذ جمال القوم برسانهـا =
مبروك ابو ناب يوم إنا طلعنا نـزل=
ترى الحصون الحصا مـا جدرانهـا =
لو ان كوكب عطارد مثل كوكب زحل=
ما كان حرب النشامى تفقد حصانها =
وش همّنا من كلام الورع يظهر قِبل=
عسى شداد المطيّة تحت كرعانهـا =
الحرب بيني و بينك مثل حرب الدول=
لين الحقايق تعـوّد عنـد عمّانهـا =