الشبابي يوم صلى الركعتين الأولات و سلـم=وان ابن منصور جالس طاوي العمة ولايتكلم
قلت وشبك يا ولد منصور يالعيه ما عاد تعلم=والعصا لمن عصا و اسلم يا راس العاصي
يا فيصل شوف سيناء دون بحر النيل=وابومشعـاب يضربهـا بمشعـابـه
بعد بكره ترى كـل الدمـوع تسيـل=يجي علمٍ يبيض وجـه مـن جابـه
ما عليك من العرب خل السوالـف حـره=قالها اللي جرب الحلـوة و جـرب مـره
يالشبابي شد حيلـك فـي زمـان الـذره=والعصا لمن عصا و اسلم يا راس العاصي
غريبه كان طبيت البحر بالخيل=تغدابه يا ابـو نـاب و تعشابـه
بعد بكره على الديره يطيح السيل=و ينبت عشب متنوع و متشابـه
ليتها يا ليتهـا يـا ليـت مـا جـت ضيقـه=كل ابوها هينه لكن من بعض النفـوس مفيقـه
خيلت ثم امطرت و الموس عند الروس للتحليقه=والعصا لمن عصا و اسلم يـا راس العاصـي
ابو زيد الهلالي ما يحـب الميـل=لكن الباب الأقصى ما انقفل بابـه
انا اشوف النعايم و الجدي و سهيل=تجي لسهيل عزوه ماهـم اقرابـه
يا حليل الشايب اللي كل ما غنى بزين لحونه=كل ما شاف النجوم العالية ظلى يهز متونـه
معه جنيه طويـل لسانهـا لكنهـا ملعونـه=والعصا لمن عصا و اسلم يا راس العاصـي
أثر حرب الحجاز يزودون الهيل=يـزود و العـرب مـا ترضابـه
تلوى الذيب الاسحم في ذراع الفيل=وجانا العلم و انت تقول من جابه
الرياحي له ثلاث سنين يضـرب بالقلـم و السبحـه=كل ما روّح وجانا قلت ذا الحينـه تجينـا الذبحـة
رد صبحة فالجراب ولا احد ينزل في منزال الصبحه=والعصا لمـن عصـا و اسلـم يـا راس العاصـي
انا شفت الخلافه جات تال الليل=وكـلاً جـاب علـم يتمشابـه
لكنك شد حيلك يا قوي الحيـل=و كب مسيلمـه تـراه كذابـه
أعرف الدنيا و اعرف الدين و امشي زين و اعرف دربي=وانـت فالساحـل تمشـي كـل مـا ذعـذع الغـربـي
ما درست الفيزياء و التكنولجيـا و الفلـك يـا الحربـي=و العصـا لمـن عصـا و اسلـم يـا راس العـاصـي
يا بعدك ما نشوفك غير بالدربيل=معك مدفع تشيلـه فـوق دبابـه
عيال آدم و حواء جيل يتبع جيل=ضربنا مسيلمة و انهارت اعصابه