إبتديـنـا بالله الجـبـار راع الكـائـنـات=الله الفـرد الصمـد سبحـان وزّان العقـول
مرحبا يا حرب ربعـي عنـد راع الأولات=شيخ حرب و مزبن المضدود شيّال الحمـول
مرحبا يا حرب و اللي حضر من كل الجهات=واجتمع شمل القبيلة و الصلاة على الرسـول
فرحت الديرة و اهلها يـا رجـال النايبـات=نوّرت دار الحروب بحرب مع رد الأصـول
وحظنا يـا ربعنـا مثـل الجبـال النايفـات=من قديم الوقت لاذا الحين ماضيـن الفعـول
وشيخنا يا حرب قابـل للنجـوم الطالعـات=طالعة مع مطلع البدرين ما هي في النـزول
يوم جاء وقت الزلازل و السيول الجارحـات=ما تركنا الواجب الغصاب من عرضٍ و طول
ثم اخذنا قسمنا وافـي مـن اللـي مكسبـات=بالأمانة و النقاء عـن الأمانـة مـا نـزول
من قديم الوقت ممشانا على زيـن الصفـات=ما تهوبنا الصواعق و النجوم اللـي زحـول
يشهدون مطير و العتبـان و سليـم الثقـات=شيخنا له وقفـةٍ بيـن القبايـل مـا تـزول
ومن زعل يشرب بحر والله عليم الخافيـات=فيه ربعٍ يكرهون الصـدق يـوم إنّـا نقـول
والختـام الله يوفقنـا علـى درب الثـبـات=نطلب الله فالهدايـة و نطلـب الله فالقبـول