نادى المنادي للوجب ليلة أحد واحد رجـب=هل الهلال ولا احتجب يامن حضر منا سلام
سلام رده من ذهب منا علـى مذهـب وادب=تنصى جويدين النسب حشمه وقيمه واحترام
جينا على وقت الوعد في حفل فوزي بن سعد=والحفل يغشاه السعد حفل الرجال اللي كـرام
توفيق من ربٍ صمد بالسبـت ولا بالأحـد=كلٍ مشاهد واجتهد مـن حضـر ولا باديـه
اليا زهمتوا فالطلب جينا مثل نـوٍ حـزب=نمشي على سلم العربسلم العرب ماهو حرام
حنا مريّعة الصعب يوم المشاكل والنشـب=ما فيه موت بلا سبب وانتم تعرفون النظام
وين انت ياريّس دعد نهار جا كسر العمـد=يوم البحر غطّى البلد والنور جلاي الظلام
شيخ الحروب المعتمد يوم الزلازل والرعد=حرٍ في ميقافه صعد خاوى السباع العاديـه
جاك النداء والله كتب ومعزبك قبلك زهب=هل الهلال ولا عزب يا مرحبا والحظ قام
يا مرحبا منّا ندب اقلط على كيف وشبب=واللي كماكم ما يسب وانتم جويدين الحزام
يا مرحبا مد ٍ وعد حنا سوى وعيال جـد=بأفعالنا كلٍ شهد يوم الملاقـى و الزحـام
واللي موّفق ما يرد فالأولة واللـي بعـد=والله يكافئنا الحسد فالصـدر والميراديـه
الظفر يوم انه ينـب الله يحيـي مـن قـرب=ما مثلكم يشكي تعب ما فيـه زاد بـلا يـدام
حنّا نصب الموت صب وقت التحدي والغضب=والدقن يحماها الشنب ناقف على صلب العظام
ماجود ووافي فالسند سيفي فـي ميقافـي ورد=هذا جواب لمن نشد ماني من النـاس النيّـام
بيت المعزة ما يهد عن ماقفـه محـدٍ شـرد=هـذا الحقيقـة والوكـد لاقريـت الاسناديـه