سميـت بالرحمـن فـأول جـوابـي=الوالـي المولـى شـديـد العقـابـي
وأمسيت أفكـر فالخطـأ والصوابـي=ومن شان هذا العلم نظمـت الابيـات
بسـم الزعيـم اللـي محافـظ بلدنـا=يـا شيخنـا يـا عزنـا يـا سعدنـا
شيـخٍ لنـا وللصفّـة اللـي بعـدنـا=وموفقـه ربـي لـكـل الجمـيـلات
حـرٍ ولـد حـرٍ وجـدٍ بعـد جــد=بيت الشرف معمور مـا عـاد ينهـد
ومعاهد ابـن سعـود ومجـدد العهـد=ويشهـد عليـه الله رب السـمـاوات
بسم الحروب اللي لهـم فعـل يذكـر=بالدين و التوحيـد و الخيـر و الشـر
ربـعٍ لهـم تاريـخ فالبحـر والبـر=يوم إنهـا مثـل البحـور المطمّـات
حنا حـروب ودارنـا كلهـا حـرب=فالمملكة تمتد مـن الشـرق للغـرب
وتصل الجنوب وشام يفتح لهـا درب=من دونهـا مثـل الجبـال المنيفـات
حامينهـا ياليـن جانـا السـعـودي=اللي حكـم بالعـدل كـل الحـدودي
باللي ملحها مثل صـوت الرعـودي=والسيـف قطـاع الرقـاب الثقيـلات
وجات الصداقة يوم حـرب الرغامـه=يوم الـزلازل مثـل صـوت القيامـه
والشيخ ابو محسـن مـؤرخ كلامـه=درك علاقه مـع رجـال السعـودات
آل مبيريـك معـززيـن الصـداقـه=ومعمريـن البيـت حسـب العلاقـه
الطيـب والقانـون فرعـه وسـاقـه=وموثقيـن العهـد حسـب العلاقـات
شيوخنـا دائـم علـى العهـد باقيـن=وحنـا جنـود الفهـد للـدار حاميـن
نحمي ديرنا مـن عيـون الشياطيـن=وحنا رجال الحرب وقـت المهمـات
يا ملوكنـا دمتـوا لنـا دايـم الـدوم=وحنـا لكـم خـدام ونحـارب القـوم
ومن مات من دون الوطن مات مرحوم=ربـي يسكّنـه الــدروج العلـيّـات
الله يعـز الديـن ويمـوت ألإرهـاب=اللي على العالـم يجيبـون الاسبـاب
اسم الله اكبـر يـا مفرقـة الاقـراب=يااهل المشاكل و النفـوس الخبيثـات
من هو يخـون فعهـده اللـي موثـق=يحكم عليه الشـرع يُرجـم و يُشنـق
وفالآخـره فالنـار يُرمـى و يُحـرق=ولا ينفعه كثـر المنـى والحسافـات
يا راعي الإصـلاح منكـور منكـور=يا مسيلمة يا معلـن الكـذب والـزور
خاين و ناكر هايـن النفـس مقهـور=ذليت روحك لجل عيـن الخواجـات
بعد المعزّة صـرت توطـأ وتنـداس=عند اليهود مطأطـأ العيـن والـراس
منته فقيه انـت إمعّـه وأرذل النـاس=واللي معك أنـذال سـوو عصابـات
انتـم طعـام النـار و انتـم حطبهـا=يا الشلـه اللـي سـاع ربـي نكبهـا
راع الجريمـة جابـهـا وارتكبـهـا=الله يجنبنـا الخطـأ و المصيـبـات
يـا الله تأمـنـا و تـأمـن وطـنـا=ويا الله تزيل الظلـم و الحـزن عنـا
واللي يخـون العهـد مـا هـو بمنـا=يُرجم على راسـه بسبـع حصـوات
يـا دارنـا ربـي يعـزّك ويحميـك=من كل حسـاد البشـر و الصعاليـك
وجعل العيون اللي نوت بالطمع فيـك=تُظلـم فدنياهـا و تُحشـر فظلمـات