يااميرنا الغالي عسى الله يحييـه=عداد ما هل المطر مـن سحابـه
يااميرنا اللي كلنا فـي حراويـه=أميـر مكـة مرحبـا مرحبابـه
ماجد طويل العمر دامـت لياليـه=راع العلوم الطيبـه مـن شبابـه
الله يعز الإسـم واللـي مسميـه=عداد من طاف الحرم واستعابـه
حرٍ ولـد حـرٍ حسيـنٍ مباديـه=أمير مكـة مجتهـد فـي منابـه
فيه الشجاعة و الكرم كلهـا فيـه=اللي عن المحتاج ما صك بابـه
في طاعة الله كل علـمٍ يسويـه=الله يوفـق لـه ويكتـب ثوابـه
يشهد له التاريخ حاضر وماضيه=يا قاري التاريـخ تقـرى كتابـه
آل السعود اللي عسى الله يقويـه=في طاعة الله و الأعادي تهابـه
حريبكم مهزوم والموت ناصيـه=سيف السعودي فرع راسه وصابه
والسيف محدٍ يقربه غير راعيـه=انتم هل التوحيد واهـل المهابـه
و إختامها إعداد فـرضٍ نصليـه=صلوا على ذكر النبي والصحابه