هجرست من ذاتي وأنا دون ذاتي=وحاولت أعرِّف من متون التعاريف
وهميت أصنف في البحور العواتي=وأحترت بين أصنافها والتصانيف
ولياي مالي في صنوف الذواتي=ولاني من اللي يقدرون التحاريف
ولاني غريبٍ من فلول الشتاتي=لجَّوا عليه المرجفه بالغطاريف
ولاني سميجة غارقٍ في سباتي=آميز بين الصادقة والتخاريف
أنا وزاني ثابت النايفاتي=لاجاتني من رأس راع المعاريف
أعرف محلي حزت النايباتي=ماني مكلف ما يعرف التكاليف
وإن طاح رمح ذياب دون الزناتي=وصارت قضية للصفوف الطواريف
أعرف جزاهم والجزاء من جزاتي=وأقصر عن اللي ما يطول التصاريف
وياهم قلبي هم من هم آتي=لاهم بالمثلوث بعض التناتيف
الغدر ما رومه ولا من صفاتي=ولاني مكسر للجموح المجاديف
لكن شقاها حزت المثمناتي=ساع الجدايل ميَّلن بالمغاديف

المشاركة الأصلية كتبت بواسطة سلطان الغيداني (المشاركة 259017) حي الله لافي من طول الغيبات جاب الغنايم .. صح لسانك .. جزل كعادتك .. ولاتكرر الغيبات الطويلة .. ترى لك معجبين بشعرك .. وانا منهم .. الغدر ما رومـه ولا مـن صفاتـي=ولاني مكسـر للجمـوح المجاديـف كفو .. وبيض الله وجهك ..

المشاركة الأصلية كتبت بواسطة أحمد بن ناحل (المشاركة 259021) لافي صح لسانك وبيض الله وجهك قصيدة وافية وجزلة من شاعر جزل ومبدع تحياتي لك.....,

المشاركة الأصلية كتبت بواسطة بواردي حرب (المشاركة 259023) الشاعر لافي صح لسانك قصيده جزله والله يعطيك العافيه

المشاركة الأصلية كتبت بواسطة حميـد الحميدي (المشاركة 259026) الأخ : لافي صح لسانك وبيض الله وجهك على هالقصيدة الوافية..... تقبل مروري.,.,.,