الطيب بين العرب مطلب = ومنه مشوا فيه يستوفون
سلام من وفد ومجرب = تاريخهم فالوفاء مضمون
هذا ماهو شي مستغرب = عندالذي للوفاء يسعون
ترحيب والطيبة مكسب = تأخذ منه قدر ماتعطون
جانا الوفاء منك واستقطب = قدر الرجال الذي يعنون
هياأسمع اللي بعد يكتب = ونسجله للذي يقرون
درب الوفاء ماعنه محجب = انقدمه والعرب يوحون
وكلاَ حسب مشربه يشرب = والآن هات الذي مكنون
لو قالوا الناس هذا صعب= يبقى على أهل العقول يهون
وأنا من اللى سمعت اطرب = والناس مثلى عنه يثنون
حسن النوايا أمر يغلب = وأهل المحاسن بها يرقون
وكل شي مهما بعد يقرب = مادام وزن العقول يمون
قرت رياح الرفق والحب = من بعد ماعكرت بسكون
والقرب بين العرب مذهب = اللي على عهدهم يبقون
اللي لهم بالتسامح درب = لابد لأهدافهم يصلون
هذا نموذج ولايشطب = لعله البعض يستقدون

جوالصفا مكتمل رسمه = وعادت لياليه للماضي
بحضور شاعر غني اسمه = الشاعر أحمد عطا قاضي

أسمع نغم للصفا والأنس = يسريبه الشوق في أعماقي
خلى دموعي نهر من أمس = يجري ونبعه مــن أشواقي
أنا هنا أستمـع وأحـس = أعجبني المنطق الراقي
دموع الأشواق ماتحـبس = مادام باقي لها باقي
أحسب غرامي حفظ للدرس = باقي عـلى عهد ميثاقي
لــكن ظـــهر واقعه بالعكس = ضدي ويسعى على إرهاقي
للمرء فرحه وضيقة نفس = دائم مع الروح في اسباقي
ماأظـــن يخفى شعاع الشمس = يبقى حسب مصدره راقي
روحي وقلبي في وسط الحبس = أقضي المساء فيه وإشراقي
لاأنس عـندي ولا مؤنس = يـطفي لــهيبي وحــراقي
من وحدة الحال لا تيأس = والمرء ياكم بيلاقي
اللــــي مع الوقت متمرس = ما يقول ضاقت بي أخلاقي
من أجهزة فنها باللمـس = يصدر أمر والفكر شاقي
قصده يعذب فؤادي بس = وأنا على هـقوتي هاقي
يمكن حصل فالأوامر لمـس = وحال دون الهدف واقي
أشوف بينك وبينه رمـس = ماأنتم على خط متلاقي
أصفق على ما مضى بالخمس = من قلة العدل يارفاقي
كيف أقضي الليل لاعسعس = والشوق خافي ومّتاقي
أصغيت فكري لذاك الحس = اللي مدون على أوراقي
مواقف العـز ماتبخس = يبقى صداها فالأ فاقي
واللي غرس فالمواقع غرس = يجني منه كل مشتاقي
ومهما ظلام الدجى أدمس = يبقى الأمل شان براقي

كل مازمانين غنو فيه = أصغي له السمع لا غنوه
يزعزع القلب من قاصيه = ويذكر ه بالذي عنوه
هذا هوى روح تستهويه = مهما الذي مبتلين أخفوه
يميزه بالنغم شاديه = وأهله على مركزة علوه
عذب النغم كل مانوحيه = يطرق على القلب لا لجوه
لويخفي الشوق مايمديه = لوكان بعد الوسل نسيوه
أنا تمنيتك تعليه = وتسعد به قلوب من حبوه
اللي لنا فاالمثل تطريه= عادي وكل العرب فهموه
أعلى من الرد متحريه = معدود وأهل الفكر عدوه
لكن عليك السؤال القيه = لجل ايش حكم الهوى ماجروه
جالك رفيع المثل بانيه = من مجلس المعرفة قروه
ماشفت فاالقيل ماجاريه = تطوير عن سابقه ضافوه
غزر المثل راح في عاريه = ولاأرسى في مرساه حين أرسوه
وأخاف يومي معك نقضيه = واللي نتمناه ماوصلوه
نص الحكم توجه قاضيه = فاعلى المراتب لكم علوه
بس الذي ماحمو قافيه = فالخانه الضيقة حطوه
عن أوله حرفوا تاليه = قدر الذي نرفعه وطوه
خلاص هذا اللحن بنهيه = في ذمة اللي قدر ماأعطوه
واللي كثير الأسف مشقيه = عما رغب بالمثل نحوه
يبقى لنا حق نستوفيه = لوكان طول العمر ساموه
حجبـت دمـع العيـون أسنـيـن = حـرصـت ماينسـكـب منـهـا
لكـن تحـدى عجـاج العيـن = ومنهـا تهامـل غـصـب عنـهـا
ماأستغـرب ان الدمـوع تبيـن = حتـى ولــو كـنـت صاينـهـا
لكـنـي أســأل سببـهـا منـيـن = وأفتـيـك لابــان باينـهـا
هيـا أستمـع حالـة الشاكـيـن = وجــروح فالقـلـب حاضنـهـا
عيـت عنـه تقـبـل التثمـيـن = ولا بـارحـت عــن أماكنـهـا
لا بـد عسـر الأمـور يلـيـن = وتـبـرح جـروحـك مواطنـهـا
خـط الأمـل يوصـل الساعيـن = ويـرجـع لـروحـك توازنـهـا