ملتقى قبيلة حرب الرسمي - قضية الإرهاب .... في محاورة بين حبيب العازمي وراشد السحيمي

هذه المحاورة جرت في بيت المدينة المنورة في الجنادرية وتناول بها الشاعرين قضية الإرهاب بكل اقتدار :

مرحبا ترحيبة الاسـلام فـي بيـت المدينـة=الذي شيد على ارض العاصمة للـي يـزوره
يابلادي دام عزك في رخـا وامـن وسكينـه=في ذرى الله ثم ذرى حكم الملوك اخوان نوره
البقا ووجودكـم ووجودنـا فرصـه ثمينـه=فالمحل اللي منـور ليلينـا مـن زود نـوره
يابلادي دام زك فـي ذرى اليمنـى الأمينـة=البلاد اللي بشرع الله علـى العـز امعمـوره
دايم المسلم معه غيره على عرضـه ودينـه=والمخالف كل مايبحث عنه تشويـه صـورة
وانت ياراشد مسافر فالبحـر فـوق السفينـه=والمسافر بآخر الرحلة يعبـر عـن شعـوره
واحـد ماهـو غيـور لدينـه الله لايعيـنـهليه= نخطي والشريعة واضحة والأمر شـوره
السفينـة مابهـا إلا الكبتـن اللـي فالكبينـة=جايز انا ناصلـة ونكلمـه عنـد الضـرورة
الخطا وارد لاكن من القريـب اكبـر غبينـة=مير مال الشر طب الا اجتثاثه مـن جـذوره
خلها بيني وبينـك والخطـر بينـك وبينـه=سور واقي يحمي المخطور من شر الخطورة
ياحبيب يمكن الواحـد يشكـك فـي قرينـه=والصحيح الشمس كوكب ثابته والأرض كوره
من يقول انه ليا مرض الجمل يكوى سنينـه=يلتمس له عذر مير النفس ماهـي بمعـذورة
الرجال ارجال ثم جبال وحصـون حصينـة=والزمن ياكثر فضله والدهر ياكثـر جـوره
علمـوا راشـد يوضـح دوره الله لايهينـه=الشجيع اللي يحسـم المعركـة والـدور دوره
كم باقي عن طلوع الشعـرة اللـي فالعجينـة=شعرة لو خمها واحد غلـط نشبـت بـزوره
دورنا دور الولا والصدق في وقتـه وحينـه=ماتقوله في غياب الرجل قوله في حضـوره