بعد أن قرأت قصيدة الشاعر العلم/ علي الحصني

جادت القريحه بهذه المجاراه التي أعبر فيها عن مدى إعجابي بقصيدة

الشاعر / علي الحصني

فإليكم قصيدته والمجاراه

ياعبيد بعض الحلم يصبح مغـره=قلته بعد صدق على السمع شوفي
ما كل نون له مع الارض جـره=ولاكل من واعد بميعـاد يوفـي
شفت السحا يب ورتجيت المسره=قلت المطر جاني وزانت ضروفي
00سحابتن غطت نجوم المجـره=براقها يشبـه لميـع السيوفـي
خا يلتهـا بلعيـن مـره ومـره=قدامهـا لاوخسـارة وقـوفـي
هلت علي العصر في راس حـره=لكن ما هـا مـا يبـل الكفوفـي
انا حسبن العلـم واصـل مقـره=واثر النقط صارت بجنب الحروفي
غصت البحر من بعد ما دجت بره=وحصلت به دره عديمة وصوفـي
درة بحر ماهـي مثـل كـل دره=من دونها تقصر يدين الضعوفـي
هذ ى والنا ماني بقصاص جـره=لكن ابا استا في مدام انًي أوفـي

الشاعر العلم/ علي الحصني

وهذه مجاراتي وآمل أن تصل إلى قلوبكم

عد الروى ياعبيد لله دره=يقطع ضمى صافيه عطشى شفوفي
يقطعك نون ما بشوفه مبره=ليا قلع سربه عتي الشعوفي
يكفيك عن خيره ليا اكفاك شره=ما كل سعيٍ للعباد مخلوفي
والعي لو يعطيك مثقال ذره=عيفك بالجدوى لسان الزهوفي
اللي على الغرات منقوز جره=زِله ولا تكثر عليه الحسوفي
وقافٍ نعش دولاب فكري وفره=قام يتغلغل مع معاليق جوفي
أقرى حروفه واستعيده واكره=من سلسبيلٍ مثل نقع القنوفي
من هاجسٍ راهي ومن نفس حره= ماهي هجوس مروجعين الحلوفي
اللي لهم في كل فزعه مضره=لاهم معازيبي ولاهم ضيوفي
يشره علي اللي عليه اتشره=طبعي عيوف ولااغبط إلا العيوفي