|
مجاراة قصيدة الشاعر/ مساعد بن ضعيان البدراني
هذة الابيات عليهاجائزة لمن يجاريها من صاحب القصيدة
حاولت اعدل ميلها قـدر الامكـان=لاقلت زانت صـار فيهـا تفـاوت لي ليلتين ويوم والجفـن سهـران=ونجوم بقعا فوق راسـي تهـاوت واسبابها ضيفن يجينـي أمسيـان=جدد جروحـاً بالضمايـر تشـاوت اعوي كما يعوي من الجوع سرحان=اليا عوا بيـن الرواسـي تعـاوت عد الروى جيته وصدرت ضميـان= ودلي وردة فـي بعضهـا تـلاوت تواردو صدفـه قرايـب وعـدوان=وخليتهم بيـن اللغـا والمشـاوت وشتلت حمـلاً مايشيلـه بليهـان=ومن جورة الثنتين عندي تسـاوت الشاعر/مساعد بن ضعيان البدراني هذه محاوله لمجاراة قصيدة الشاعر/ مساعد ضعيان آمل أن تلاقي الإستحسان
يا مساعد ضعيان يا عالي الشـان=بنات فكري مع هجوسـك تخـاوت يحـث فكـري للقوافـي والاوزان=السلسبيل اللي له الـروح هـاوت والضيقه اللي تاصل ابعض الاحيان=جث العروق اللي بقلبـي تـذاوت تقودني قود المطايـا بالارسـان=عن الهـدف تشوتنـي يـم الآوت وهمٍ بقلبي لازمه مـان تـو مـان=منه الروابع في ضميـري تثـاوت بعض العرب تلبس لي ثياب صدقان=تجيـه حـي ولا نخيتـه تمـاوت خطرٍ على قلبي وابن عون لاهان=( يلذع كما يلذع فيـوز الكتـاوت) وسلامتكم جميعاً |
الله الله الله
ياسلام بيض الله وجهك مجاراه راااائعه اخي الشاعر علي بن هليل الحربي بيض الله وجهك ووجه الشاعر مساعد بن ضعيان البدراني وان شاءالله نحاول دام فيها جائزه ههههه تقبل اجمل التحايا ودمت بخير |
اقتباس:
الأخ الشاعر / ابن خير الله الردادي تسلم وصح بدنك ووجهك ابيض هذه القصيده وجدتها في القصائد المنقوله مطلوب عليها مجاراة فأدليت بدلوي وأنت حبالك طويله يلزمك مجاراتها تحياتي لقلبك قبل قلمك |
الله الله صح السان مساعد
وصح لسانك علي قصيده قويه وصعب مجاراتها وبنحاول والله يعين |
صح السانك قصيده جزله ومجراه طيبه
الله يبيض وجهك تستحق الجائزه |
الشاعر/ علي الحربي
صح لسانكـ و صح لسان الشاعر/ مساعد الحربي |
, , , صح لسانك وعلا شانك والله يعطيك العافيه على الرد الوافي بيض الله وجهك مع التحيه |
اقتباس:
الأخ الشاعر المبدع/ تركي العبيد صح بدنك واسعدتني بمرورك الكريم واطلاعك تحياتي لقلبك قبل قلمك |
اقتباس:
الأخ الشاعرالمبدع/ ابن هديبان صح بدنك ووجهك ابيض جائزتي هي إطلاعك وإشادتك بالمجاراة تحياتي لقلبك قبل قلمك |
اقتباس:
الأخ العزيز / فارس عوف صح بدنك وبيض الله وجهك تشرفت بمرورك واطلاعك على القصيده تحياتي لك |
الساعة الآن 10:21 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir