راكب اللي لاسرى والليل فايت نصه =كن بن مجول يغني من تحت كبوته
جيب لكزز لون جنبه مثل لون الجصه= او حلايا المروه اللي توها منحوته
ما مشى خلف الضعون ولاوقف بالرصه = موتر اللي ماحداً غيره لمس ريموته
يانديمي بعد ما نام المعافى نصه= ديرت (ن) من طيب اهلها بل وفاء منعوته
نصه اللي بالعلوم الطيبات نخصه = الذكي يفهم هدفها والبليد تفوته
شاعراً لاهندس المحراف ترجم قصه= ما يغبط الغيهباني والمره بخوته
كل ما يسبح بحور الشعر يطلع حصه= لاتسمع شعره الشاعر يطيب اسكوته
يا نديبي علمه ماني بقايل وصه = ما يوصى الحر الاشقر كيف ياجد قوته
وقتنا ماعاد نعرف طيبه من لصه =والحسى ماعاد نعرف طيبات ابشوته
راعي المشروع قبل ان الشريط يقصه = ان تايج كلبوها سجلة بنوته
مشكلتنا الخاتم اللي ما لقينا فصه = جاب سباح البحر دابه وخلى حوته