السلام اللي يسر البال اسوقه يم سوقه=يسري الغازي من الدمام والنيه سليمه
التعب ثنى الجمل والشيب بين في اشدوقه=الله اكبر يازمان العام والنيه سليمه
مرحبا والرجل ماتنقص مع العالم حقوقه=والخبر ياصاحبي قدام والنيه سليمه
والتعب ما يتعب الجمال لو طالت طروقه=خلها لمدور الاحكام والنيه سليمه
الحيا نسمع رعوده مير ماشفنا بروقه=والمحل عم اليمن والشام والنيه سليمه
الحمول اللي ماهي فوق البعير اتحط فوقه=يالله احسن للجميع اختام والنيه سليمه
الحيا هلت ثعوله من طريف لحد لوقه=بشرونا نخبت الاعلام والنيه سليمه
الحذر يا اللي تقود شعيل مع ريع امخنوقه=الخطر من زلت الاقدام والنيه سليمه
كم واحد عينه اتشوف الطعام ولايذوقه=كل ماافطر من فطوره صام والنيه سليمه
الزمن غيًر وعوق والزمن مااحد يعوقه=ويش يمحى جرة الاقلام والنيه سليمه
الطعام اللي يشوفه لاغداه ولاريوقه=عيشت تفدعبها الاقزام والنيه سليمه
علمو ولد الدويله لاتجي رجله سبوقه=بالطريق مشبكات الغام والنيه سليمه
طاب وجه الادمي لكن شره في عروقه=احمد الله ماأسرق الايتام والنيه سليمه
القلوب اللي من الاحداث والعلم امحروقه=ودي ارضي حرب واترك يام والنيه سليمه
انت تدري ويش وسع الدرب للساري وضوقه=لكن اسمع للضروف احكام والنيه سليمه
لحيتٍ تبغا تطرف مع شواربها محلوقه=في حسامن ينصر الاسلام والنيه سليمه