|
راشد السحيمي و حبيب العــازمي
راشد السحيم و حبيب العازمي في حفلة الشيخ/ تركي بن نحيت
بالفوارة بتاريخ19/11/1429هـ0
ابا راشد و ابا الشيخي و ابا سالم و ابا سليمان=و أبا عيد و محمد و العدد ستة و من باقي أبا اسالهم عن اللي مايداني حرب و العتبان=و لن ماجاوبوني في سوالي بأحرق أوراقي
تبي هذا و ذاك و ذاك و الله يخزي الشيطان=لكن ياصاحبي لايلتوي ساقك على ساقي فالايام الاخيره صاروا اصحاب الرخاء عدوان=ياشين الضحكة اللي من وراها غدر و نفاقي
ندمدم مشكلة بغداد تظهر مشكلة لبنان=و حنا من شبابه ماش لبناني و لاعراقي ياراشد تحسب أن الصبر يفتح مغلق البيبان=لكن الصبر ماينفع بليا بعد و فراقي
يقولون العرب مافيه عود إلا و له دخان= لكنك لاتعلق مشلحك في كل معلاقي قبل مانذبح الفتنه و أهلها مانصير أخوان=أكيد ان العتيبي لاقياً غيري وأنا لاقي
دخلناداخل القبه وشفنا باشة السلطان=وشفنا حارس القبه سلاحه موس حلاقي انا ماعاد انا راضي وانا ماعادانا زعلان=و لو تزعل علي الهند في تسعين طقاقي
ياليتك ياحبيب مانشدت الترك عن راكان=يقولون الحقيقه مرةٍ ماعاد تنذاقي لاتنظر للذخاير و أنت راع المحزم المليان=عشيق المهرة اللي ماعشقها كل عشاقي
ليامني نشدت الترك قالوا فارس الفرسان=لياجات المزون اللي لها راعد و براقي نجمع فالدواء مار الدواء ماينفع المرضان=و أنا لاشفتلي واحد مريض يعكر أخلاقي
نحاول نقفل البيبان و أنته تفتح البيبان=بغاء الله ينكبك ياصاحبي مار الله الواقي يداوون المرض مير المرض يرجع مثل ماكان=وراهم مايبيعون الدواء في كل الاسواقي
هذا راشد لو أنه لاحقٍ فرعون أخو هامان= لقيته بالعصى واقف على بيبان الارزاقي وألا يابيت ياللي مابناك إلا أربعه عمدان=تهب ابك الهبايب بآخر الدنيا بلا أرواقي
حبيب صاحبي ماهو عمى ياكل مع العميان=لاتزرقنا مادامك عازمي ما أنته بزراقي لو أنك ماتخالف ياحبيب ماطلع لك شان=الاحسن قطع رزق الناس و إلا قطع الاعناقي |
مشكور أخوي فااااااارس على المحاورة الرائعه
يشرفني ان اكون اول من رد على الموضوعك والشاعرين غنيين عن التعريف لله درهم والله درك على النقل المميز الله يعطيك الف عافيه ماقصرت بيض الله وجهك |
الله يعطيك العافيه..
مشكور وبيض الله وجهك يا فارس عوف.. |
اخي القدير فارس عوف
بيض الله وجهك يالذيب على هذه المحاوره الجميله فصح الله لسان الشاعرين على هذا الابداع سلمت وسلم بنانك الرائع |
ياسلااااااااااااااااااااااام ..
عملاقة ... صح لسانهم جميع .. وبيض الله وجهك يالسحيمي عزالله انك شاعر حرب الحالي .. وبيض الله وجهك يالذيب على نقل المحاورة .. فيه خطائين املائين يابوناصر: مابغيت ادخل واحوس التنسيق كله.. عدل البيت هذا: فالايام الاخيره صاروا اصحاب الرخاء عدوان ياشين الضحكة اللي من وراها غرد و نفاقي غــدر .. والبيت هذا: نحاول نقفل البيبان و أنتـه تفتـح البيبـان بغاء الله ينكبك ياصاحبـي مـار الله الوالـي الواقي |
بيض الله وجهك يالذيب
وافي طال عمرك |
بيض الله وجهك يافارس عووف
وااااااااااااه يالسحيمي |
الله الله
ملعبه لها روح على قولتهم صح لسان الشاعرين وبيض الله وجهك يافارس عوف |
شاعرين غنيين عن كل الكلام
بيض الله وجهك يافارس عوف دائم وأنت رائع |
فارس عوف
عافك الله يالذيب وبيض الله وجهك على نقل المحاوره الرائعه لشاعرين الرائعين راشد السحيمي و حبيب العازمي صحت السنتهم استمعتنا بمحاورتهم الممتعه |
الساعة الآن 03:38 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir