ياصعبها لاجتك مـن عنـد الاقـراب =وانته لهم تملـك ضمايـر رحيمـه
ياصعبهـا ياصعبهـا مالهـا عتـاب =من وين ماتوجـه عليهـا عقيمـه
يضيع معها كـل مجهـود الاطبـاب =واضنهـا فـي مجتمعنـا عميـمـه
لاغلقت بابٍ فيه يفتـح ميـة بـاب =وتفنـى الإراده كلـهـا والعزيـمـه
ابواب يمنع صكها طـول الاعتـاب ؟ =والاعمده في ساس هـشٍ عديمـه !
ولاجيت تبحث في ملفـات الاسبـاب =تطلـع نتيجـة بحثهـا دون قيـمـه
أحترت يادنيا 00وانا خاطري طاااب! =وعودت 00 عزة نفس ماهي هزيمه؟
وجلست مع نفسي اراجع لها كتـاب =وفتحت صفحـات الليـال الضليمـه
قريت 00 ماخطه شقاهـا والاتعـاب =يملي قدرها لشقـى حـرف ضيمـه
جمـل موقّفهـا علامـة تعجّـاب !! =تمثيـل سيـره 00 لليـال الكتيمـه
كانت مخفـي غيبهـا رب الاربـاب =وبانت ولايحتـاج مثـل الوسيمـه؟
أخذت ملخصها وانا هـادي اعصـاب =للمقبـلات أيـام فيـهـا حسيـمـه
محـددٍ ريموتهـا خلـف الاحــداب =يفرض لهـا وجهـات ود ورسيمـه
وختامها عما جـرى قالـت وصـاب =صفحة حكمّهـا فـي مثايـل قديمـه
اسمع وخذ ماسطـره لـي الالبـاب= كـل طقـةٍ قـال المثـل بتعليمـه!
ولو ايتراكم سحبهـا غيـم وضبـاب =لابد يصفي جو00 ويزول غيمـه !!!