بذاك المساء الغير من يوم الاثنين = قبل الغروب عصير حزة مسيان
دخلت سوق(ن) فيه بايع وشارين = سوق(ن) كبير بعالم الناس مليان
ولي مالهم بالسوق وقفه وماشين = ولا لي من الطاري على البال شيطان
بسربال2 المفتتح ست والفيين = بشري وبعت القلب ببلاش مجان
صدفه وفي نظره بريه من العين = نظره اخلت في كياني والاوزان
نظره استقرة هانيه بكامل الزين = ادعج غنج لمصوره قلت سبحان
وقّفت شموخ ما بيننا غير مترين = مع اللتفاتت حر بعيون حوران
والعنق وصفه وصفها وليت توفين = عنق الخشوف الجافله بجول غزلان
ورزة صدر مركوز في صغر نهدين = وخصر(ن) يذكرني بقصص ماضي ازمان
اللي نمر يعشق بوضحى المزايين = هذا البلا ياعقاب قوله ومرضان
قلت السلام وردها كلمة اهلين = حروف ترسم بالحلا شف والسان
قلت ياملاك ارحم قلوب المحبين = أنتي خطر واقع على كل ولهان
مفروض يكتب من قبل هيئة الدين = ما نقترب مية قدم منك عنوان
بطرف العيون الحور تهلك ملايين = ترسل سهوم(ن) تحرق الجوف نيران
قالت من الخالق بلا رسم بيدين = الله عطاني لو بخبيه لك بان
ومن قال لك تقرب ولسوق بابين = وانت هواوي وآخذك في زمن كان
قلت انتهى كل شي وانتي تداوين = والا شهيدك صرت والرب رحمان
قالت ما انت الاول تكون واثنين = كم وارد(ن) صدر من العد عطشان
شفت الحروف من بينها يوخذ السين؟= ويصير بين ارقام حرف(ن) وله شان
وبعدها يصبح طرف وحده يمين = معادله صعبه ولا تقبل اثنان ؟
هات النتيجه حلها وقللي وين؟= خانت رقم موجب ولا تصير غلطان!
قلت النتيجه حلها مايبي شين = الحل واحد والخطا يصير حلان
الحل ما يحتاج وقفه وتخمين = واحد على واحد 00 واااحد يافنان؟
هذا جوابي وافهموا يافهيمين = معادله سهله على انسان فهمان !!!