يبوطلال الله يجيرك من العوق=والله يسلم لك عيالك ويرعاك
وفي مركز الالغاز لك برج مرموق=واليوم لغزي يبيض الوجه ينصاك
في ماضي الايام والعلم ماثوق=مبدا الكلام ومصدره مثل شرواك
يويش رجالٍ له سلوم وحقوق= ولاياخذه ياكود هذاك من ذاك
من يعرفه يعرف معانيه لا سوق=ويعرف عواقيبه تودي للدراك
ونشد هل التاريخ والعرف وذوق=كلٍ يبا ينبيك وحنا نتحراك
رد الجواب وكل مطرود ملحوق=وليا عتذرت عن الاجابه عذرناك

اوحيت للي لغزٍ على شكل طاروق=يرهب قوي الحيل يمدير الفلاك
من شاعر موهب من الاصل منتوق=والمعرفه عنده لها الهام ودراك
والغز يا معجب هل الصنف وذوق=من عز مقداره تمده بيمناك
ون غر من خمني ترا قدمك السوق= ون كان اصبته غايت امناي ومناك
وبنشد الماضي عن اللي لها حقوق=وداب اهلها ماتخالف سجاياك
يمانثنا معدربها حد مطروق=يوم الزمان اللي تشاوربه اعداك
وقبل تحيات الزغيبي يبن روق=مثل السماوي قلتها ماتحداك
هاك الخبر مني وسند بها فوق=وختص فيها عاقلٍ مهوشكاك
ترا الدروب احيان في نصها تضوق=وقرب حدث لو تلتمس روس الاسلاك

المشاركة الأصلية كتبت بواسطة ورقان (المشاركة 229466) الشاعر العملاق : غازي الزغيبي لغز ورد رائعين صح الله السانك وعلا شانك وصح الله لسان الشاعر المطيري تقبل تحيتي واحترامي

المشاركة الأصلية كتبت بواسطة ورقان (المشاركة 229466) الشاعر العملاق : غازي الزغيبي لغز ورد رائعين صح الله السانك وعلا شانك وصح الله لسان الشاعر المطيري تقبل تحيتي واحترامي

المشاركة الأصلية كتبت بواسطة خالدفهدالحربي (المشاركة 229469) اضيف ردي لصاحب المعرف