مـحـمــد بـــــن تــويـــم =
تـرى هـذه الديـرة يسمونهـا ام سبـاع=وفيهـا سبـاع تاكـل الذيـب سرحانـي
عـــبـــد الله الـمـســعــودي=
ترى يالعتيبي ماش طمعـه ورى طمـاع=ولو كل واحد قـال أنا احسـن مـن الثانـي
وانا جيتها في الصيف ماجيت في المرباع=وش إتقول جيت السبع والسبـع ماجانـي
بـــــــــن تــــويـــــم=
سنين مضت يوم إن بـرق الحيـا لمـاع=ورعده يهز الغيث فـي غـرا لامزانـي
ديارك يجيها السيل طافـح مـع الريعـان=صلاة العشا وقته مـع الصبـح رجعانـي
الــــمــــســــعــــودي=
ليا طاح للارض المطر يفـرح الـزراع=ويزرع محـل الحـب خـوخ ورمانـي
على باخرتكم يابخـاره نشـوف اشـراع=ولو ينقشـع عـن بطنهـا حملهـا بانـي
بـــــــــن تــــويـــــم=
انا اباه يفـرح مـار اظنـه يبـا يرتـاع=وانا يا عميل الخـار ريـض وعجلانـي
وبعض العرب لو حميت الشمس زبده ماع=وراع السفينـه ليـس حالـه بتعبـانـي
الــــمــــســــعــــودي=
طويل الجبل يرتج مـن زهبـة المدفـاع=ولابـد فيهـا نـار والـنـار دخـانـي
عسى يلحق المدهور منهـا دهـون إذراع=وانا لو يسيل السمن مـا ذقـت بالسانـي
بـــــــــن تــــويـــــم=
تراها مزوح تروح في وقتها فـي سـاع=ولا تنقـل الخيفـات لفـلان وافـلانـي
همـام المنايـا نابهـا للـدمـي شــلاع=عرفنا تبـوك ونعـرف حـدود عمّانـي
الــــمــــســــعــــودي=
انـا ماخـذ السكيـن فالابتـر القـطـاع=وعـارف عناويـن المراسـل وعنوانـي
وياحية في الجحر لوجاك راس اصبـاع=ملي نص بطن الـداب مـن دم الانسـان
بـــــــــن تــــويـــــم=
رفعتك على سطح القمر عن جماد القـاع=واشوفك الـى مربـاك تنظـر بالاعيـان
ولا فالبحر حيه يسولـف بهـا الشـراع=ويقلـون مابـه غيـر مـوج وحيتـانـي
الــــمــــســــعــــودي=
عيوني تعاين فيـك يابـو عيـون وسـاع=تحـب الفـرح والا تحـب الحميـدانـي
ولا ياعميل حـط سطـح القمـر مربـاع=صنعت السفينه مثـل صنـع المريكانـي
بـــــــــن تــــويـــــم=
سوالف عوارف جاتنـا بالمتـر والبـاع=يسولف بهـا عبـد الله اشكـال والـوان
ولا يالهذيلي ما قسى الطـرق والمقـراع=ولا قلت لك عـض الاصابـع بالاسنانـي
الــــمــــســــعــــودي=
ولا ياعميـل مـا يـردك ميـة فــراع=ليا شفت منك زهوق ما شلت لـك عانـي
حلال الدهر صياح لـو البطـون شبـاع=ومن هـو بـلاه الوقـت يالله لا تبلانـي
بـــــــــن تــــويـــــم=
وانا شفت عبد الله يكيل الدخـن بالصـاع=لكن احترمت الضيـف مانـي بزعلانـي