سلا الله على اللي منزله في وادي الاشـراف = تعرفونه ( محمد بـن شرّيـف ) ذرف الايمانـي
انا ضفت ( الجبرتي ) للغـدا لكـن ما ينضـاف = يقول لكل من ضافه غداك بسـوق عسفانـي
هلا يا مرحبا بـك يا البقيلـي والعلـوم خفـاف = تسوّيلـك دعــاوي مالها مشهد وضمـانـي
يا ( عُوض الله ) تراكم من جهتنا ما يصلك خـلاف = لكن انته معك حاسـوس برّانـي ودخلانـي
لعلّـك للبقا يا اللـي كثيـر الوقـت ما تنشـاف = وإلى جـات السواير تنحـرف للسّاير الثـانـي
علوم الصـدق ما تحتـاج لا شاهد ولا حـلاّف = ولا يسلم من الحاسوس من قفّـا وخلاّنـي
معك رجّال ما يظلـم ولا هو للعـرب حـذاف = ليا منّه شهد بالحـق قلـت الحـق جزّانـي
معك شارب سعيد اللي مدير القوم والاسعـاف = لكـن الله يمنّا تـاع مـع درب المريكانـي
اخـاف اليا شهد ما تقتنـع تعطيبها المحـراف = لكن اسعيد حاضـر وان نشدتـه عد ما جانـي
معي شارب سعيد اللي تقوله في عراض القاف = يقول الصدق وانا لن لقيـت الصـدق كفانـي
انا جوني ثنينه ينقصـون الارض بالاطـراف = احد شاعر واحـد ماعـر يكور علـم ما كانـي
وابا اشهد فوقكم مطلق وابا اشهد فوقكم صيـاف = يعرفون الصواب من الخطا حربـي وعتبانـي