دام عـز الـمـملكـه أغـلى وطن=مـوطن الأمـجاد مـن عهد الجدود
أسـسـه عـلاّ كـيـانـه مــاوهــن=المـلـك عـبـدالعـزيز آل السـعــود
سل سيفـه في وجوه أهل الفـتن=يـشـهـد التاريخ وأفـعـالـه شـهــود
جمّع الأشتات مـن شـام ويـمن=وبـايـعـت كـل القـبـايـل والـوفـود
فـأول الـمـيـزان أعـلـنها عــلن=دولـةً للـمجـد تـصعـد لـه صعـود
اسـمـها بالـديـن والحق اقــترن=شـرعـها القـرآن أحـكام وحـدود
السـعـوديـه لـنا أرض ووطــن=دولـةٌ عـظـمى لـها ثـقـل ووجـود
عاش كـل الناس فـآمـان وأمـن=يوم صار العـدل للـدولـه عـمـود
خـصـها ربـي بـفـضله والمنن=أنطـق الـصحـراء خـلاّها تـجـود
عـمّـت النهضة قـراها والمدن=بالـتـكـاتـف أثـمـرت كل الجـهـود
قـادوا الأنـجال نهـضتها معــاً=الأســـد مـامات خـلّـف لـه أســود
كـل مـنـهـم في مسيرتها ركن=خـلّـد الـتـاريـخ سـيـرتـهـم خـلـود
والأمـانـه فـي يـديـن المـؤتمن=يـسـهـرون اللـيل والـعـالـم رقـود
للمـلـيك أرواحـنا نـدفـع ثـمـن=وكـلـنا فـي خـدمـة الـدوله جــنـود
في جبين الكون تبقى والزمـن=شـوكـةٍ نعـمي بهـا عين الحــسود

المشاركة الأصلية كتبت بواسطة ذيب الكهفه (المشاركة 212848) صح لسانك وسلم بنانك قصيدة رائعه بروعة حضورك لك تقديري

المشاركة الأصلية كتبت بواسطة راعي الحناكيه (المشاركة 212875) صح لسانك يالذيب .. ولاهنت نص راقي ..و عذب المعاني .. ! سلمت مشاعرك .. دمت بـ إبداع راعي الحناكيه

المشاركة الأصلية كتبت بواسطة ابوروان النويمي (المشاركة 212876) صح لسانك وعلا شانك والله يعطيك العافيه على القصيده الجزله بيض الله وجهك تحياتي