ياسلام الله عليكم يالنواحل عد من طاف الحرم=ياسلام الله عليكم يابني عمي عريبين الجدود
قلت أبشعب خيل شعري واكرب شداد القلم=وانظم الجــزلات من بحــر غــزير ابـلا حــدود
شاعر وشعري يضوي بــرقه صـلــوف الـعـتـم=شامخ كالطود لادقت طبول القاف لــه هزم يزود
مير انـــا شعري تقاصر في غلاكم وانــهــزم=مايحيط بمــدحـكم لــو غـزره بكبر الــنــفود
يكفي ان الجود فيكم من خلف غطى وعم= راعي الـعـلـيـا وصـيـتـه ذايــع بــكــل الـوجــود
مــن قــديم الــوقت مــــده مــاتــقــاصر في عسم=يــعـطــي بــلـيـا مكاسب كفه مزون تجــــود
كنه الــغــيــث وسحابه عــالــعـذيه كـالوســم=صـيـتـه بـنــجـد تــهــايـــل عـالـعـطـاء لا مــايــعــود
لو درى حــاتــم بفعله أركز بكحله علم= واعلـن الــتــوبــه ونــادى ياخــلــف تــرقى ســنــود
ايه ابن عمي وافـــاخر وافــتــخــربـــه واحتدم=تــنـــشـــر البــيــضــاء لــبــن نــاحــل ومــن مـثـله يسود
أحــمــدي يانجــد لــو هــو يــعـتزي بحــر خضم=تذكرين اللــي صــلـيـنـاهـم مــن البندق رعود
يــوم بــالـفـقـره يــدق الــزير في راس ادمـــدم=نــارنا شــبـت ولاشــبــت تــذكيــهـــا الـــزنــــــود
شمسهم يابـــوي تـشـرق بالــغرب جانا الحسم=قـــالـــت بـنـيـه لابـــوهــا قـــال روحــنـــا ســفــود
هالأحــامـــد شــعــلـــوهـــا واعتلوا شمخ الرسم=ضاعـت الديره عـلـيـنـا وادبروا مـنـهـا حـشـود
جلوا بغصب وسكنا دارهم ماهي كرم=بالحــدب طـلـنـا لحــاهم تــشـهـد بـعـلمي شهود
أحـمــدي لو هـــو تــعــزوى مادت جموع الخصم=ذاكر الـتـاريخ طــولاته رغم انــف الحــسـود
أحـــمـــدي فــوق النوايف أجــودي قــرم شــهم=بـنــدقــه دايـــم بكتفه حدرته حدر الأسود
المــكارم سـلـمـنـا./. بالرخاء وحزات غم=مــاتـغـيـرنـا سـنـيـن عـجـف لــو زالت حـيـود
مكتسي قافي معزه ماخذاها من وهم=من عــبــيـــر الــنـقــع والبــارود لـــه سـبــك صـلــود
ان طرقته بالحدا حادي وجاوبني بــــــــــــ/ تم =وإن ركــضــتــه بـــالهــجـيـنـي معتلي فــوق الــبــنــود
أحـمــدي حزت المفاخر واطرب لجزل النظم=اكتبه واعــشــق نضيده والمشاعر لــه تـــقـــود
واسكبه عذب زلال واشعبه لأهل الكرم=النواحل لي غلاهم فاق عن كل الحدود