|
شوقي على الصيف وأيامي=في ينبع النخل لمـا كـان
في عام 1407هـ كتب الشاعر عواد هذه القصيدة ببرقية لخادم الحرمين الشريفين يشكي فيها قلة المياة بينبع النخل .
شوقي على الصيف وأيامي=في ينبع النخل لمـا كـان أشاهـد النخـل قـدامـي=وعيون تجري مع الوديـان والصيـف لاحـان لزامـي=إحنا على وعد لنـو حـان أنـا وخالـي واعمـامـي=وربعه من الناس والجيران إنسـوي الشـاي بنوامـي=بعد العصر نشرب الفنجان وجني الرطب كان من زامي=وبليح يخبز لنا القرصـان والزيـر لادق فـي ليامـي=وسمعت صوته أبو شعبان أقوم أجري علـى أقدامـي=والأنس ما يفوّتـه إنسـان أحسن من الجو في ميامي=وأفضله عن هـوى لبنـان واليوم شفت النخل ضامي=وبعض القرى مابها سكان زادت جروحـي والآمــي=واللي مضى ماكأنـه كـان والأن نبغـى أمـر سامـي=من سيدي بانـي الأوطـان يرسل مهنـدس ورسامـي=ويأمر وزير الزراعـه الآن يعالج الوضع فـي عامـي=لجل النخل ياملك عطشـان هـذي أمانـي وأحلامـي=سهله على باني الأوطـان |
صح لسان قايلها وناقلها
|
صح لسان قايلها وناقلها
|
صح لسان شاعرها ولا هنت اخوي الحب الباقي وسلمت يمينك علي هالنقل الرائع , , , شكرالك |
بيض الله وجهك على النقل
|
منقول رائع
بيض الله وجهك |
صح لسان ناقلها وقائلها
مجهود ونقل رائع لك مني كل الود ............عزام |
صح لسان شاعرها
ولا هنت اخوي الحب الباقي |
صح لسان شاعرها ولا هنت اخوي الحب الباقي وسلمت يمينك علي هالنقل الرائع |
بيض الله وجهك
يعطيك العافيه |
الساعة الآن 06:47 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir