الا ياحرب يا حرب الأبيه = على الطاغي لكم ضربه قويه
الا ياربعي اللي دامي أني = ولدكم ياحلاة العنصريه
أنا منكم ورثت العز عزة = وعزة من زمان الجاهليه
أشوش إليا انتخا منكم حداكم = وأهلّي ثم أرحب بالمنيه
أشوف الموت كنه شربة الماء = أنا روحي لأجل ربعي هديه
تعلينا على روس وجماجم = رجالً ساطية ماهي دنيه
نصرنا الله بعده من يدينا = تملكنا على الأرض النقية
من أقصى شرق موطنا الجزيرة = إلى أقصى الغرب رايتنا عليّه
أخذناها وغصبً عن عدانا = أخذناها ولا جتنا عطيه
حمانا نحتميه ولا نفاوض = ولو كانت ليالي سرمديه
لنا بالترك فعلً يذكرونه = نثرنا دمهم بأرضً خليه
نوردهم على حياض المنايا = ونقطع دابر نفوسً رديه
لنا سيوفً تقاطر من دماهم = نقوم و نضرب الظالم سويه
جميع ملوكهم تخشى غضبنا = لأنا ما نشابه للبقيه
إذا قمنا أبدنا ثم أبدنا = سراياهم ولا نبقي سريه
مع ابن سعود قمنا ثم وقفنا = نطوع كل من يعصي وليه
عن الدين الصحيح نذود حنا = وندفع كل ظلامن بغيه
بنا دين وبنا عز وشجاعه = بنا شيمه ونخوه مع حميه
عدانا ما يعيشون بسلامه = ولا تلقى لهم ليله هنيه
يشوفون المنايا من سببنا = وننضج لا كوينا كل كيه
تسمينا باسم حربن لأنا = لنا سيوفن من عدانا رويه
لنا جدن على العلياء تمكن = وله صارت حقوق الأوليه
ورثنا عزته حنا عياله = ومن عزه ورثنا الأفضليه
تقول جنون لا منا زعلنا = نميلها على الناس العصيه
تقول جبال لا منا رضينا = لنا عقولً ترا أثقل من طميه
ولا نظلم ضعيفً لأجل ضعفه = نطيع الله ولا نبغى الخطيه
ولا نرحم ظلومً لأجل قوه = نجيه بجيش ما قد شاف زيه
ومن جانا لقى منا كرامه = لقى ناسً تقدر له مجيه
عطانا ما نمنه لا عطينا = وحِسْن الفعل ما نلحقه سيه
يدينا ما تكَف ولا بخلنا = ومن يبخل لقى سوّ و زريه
خلق ربي يدينا لأجل تعطي = ولا تبخل لو الحالة شقيه
وفانا ما تعكر بالخيانه = ولو كل واحدً خانه خويه
وهاذي كلمتي يا ربعي اللي = لكم عندي محبه عالميه
ولاني جاحد حقوق القبايل = ولاني جاحد الناس الوفيه
نهايتها سلام الله على اللي = سطع نوره وعم الناس ضيه