بعد كل ما صار تطلبني من جديد = كان ذا فالماضي ما أرفض لك طلب
وش تريد أرجوك مني وش تريد = مستحيل أرجع ترى رجوعي صعب
خلني عايش ما بين شبك وحديد = خلي بعدك يشعل فجسمي لهب
لا تقول أرجع تكفى لا تزيد = أنتهى كل شيء وانت أصل السبب
وش يفيد أسئل قلي وش يفيد = وش يفيد أقول من فينا تحب
لو كتبت الحب كله فالقصيد = ولو جمعت الكون وجيوش العرب
لانتحر واموت للعزة شهيد = ولا أذل النفس فرجوعي عجب
مستحيل أرجع وذا شيئاً أكيد = مستحيل اعيش فعيونك غصب