ملتقى قبيلة حرب الرسمي - العرب قالوا بعد ذاك الخليفه جاء خليفه= قلت منهو ياجماعه قالوا فلان العياضي( ابن طمحي

بسم الله الرحمن الرحيم
السلام عليكم ورحمة الله وبركاته
هذه محاوره الشاعر معتق العياضي مع الشاعر محمد بن طمحي الذيابي ::

ابن طمحي :

ياسلام الله عليكم من هواجيسٍ نظيفه=من هواجيس نظيفه كنها نبت الفياضي
العرب قالوا بعد ذاك الخليفه جاء خليفه=قلت منهو ياجماعه قالوا فلان العياضي

معتق :

مرحبا ترحيبة مثـل الجبـال اللـي منيفـه=بإسم ربعٍ فعلهم معروف في حاضر وماضي
ابن طمحي ياعسى التوفيق ياعالم حليفـه=ابشر انا قدها والعلـم مافيـه اعتراضـي

ابن طمحي :

الدعاوي يالعياضي لاتحسبهـا خفيفـه=الدعاوي ماتبى الأ واحد مفتي وقاضـي
كان ماعندك شهاده ماتحصلك وظيفـه=لو تسيّل بالملف من القصيم ليا الرياضي

معتق :

عارفين ان الدعاوي ياولد طمحي كليفه=والليال السود ماهي ياولد مثل البياضي
العياضي ياعرب مايقدر يعذرب بضيفه=لو أخبره وسط مكه مثل بياع المقاضي

ابن طمحي :

انت دوبك جيت تبغى تخطب البنت الشريفـه=والشريفه ماتعاين فيك كان الجيب فاضـي
انت لو خاويت ابن طمحي وسيفك مثل سيفه=كان سيّرنا وسيّطرنا على السبع الأراضـي

معتق :

العفيفه لابغيناها عطيناهـا النصيفـه=وانت ماتقدر تجيها يابو كتوف عراضي
اثر عينك يابن طمحي تنظر لغزه وحيفه=انتبه ياصاحبي لاتفرض العلم افتراضي

ابن طمحي :

النصيفه نقص جيب الكامله والأ حسيفه=ياصغير السن فكر قبل امشيك امتغاضي
لو طلع واد الرمه سيله مثل وادي حنيفه=ماحد خيل مزون برقها بالصيف ناضـي

معتق :

اثر فكرك يالعتيبـي راح للبنـت العفيفـه=عقب هاذي منت وارد ياولد فوق الحياضي
منته بعارف ربيعه منته بعـارف خريفـه=البروق تلوح وانت تقول ساع البال هاضي

ابن طمحي :

ياشبابه ياشبابـه ورعكـم مانـي بكيفـه=ون رضي بعض السوالف قلتله ماني براضي
لاغرابه لاغرابه يبلـش الجنـدي عريفـه=مير لن جازاه مره جاه رجفـه وانتفاضـي

معتق :

الورع خلى بقلبـك ياهـذا الرجـال خيفـه=أنت وشبك قمت ترمي ياولد طمحي شواضي

ولكم خالص شكري وتقديري
منقول