حبيب=العازمي
سرا الليل والمعنى هبايب هبا هبا=سرا الليل والشيطان عنا هبا هبا
وانا اعرف صفانا الشرق هجره هبا هبا=عسى الله يعزك يا ديار السعوديه
الا يا لليل وين الشاعر اللي ضيع المليون=ومهما ضيع المليون اكيد الفين مضمونه
وانا ماقول تركي يوم سافر ما حصله لون=ولا كن العلم مبغا هل الدوحه يشيلونه
تركي=الميزاني
اشوف البحر هايج ورست بواخره.=.يجي بول اهل السيف ويجي بواخره
الا ياهل العود اشعلو في بواخره=عسى الله يعزك يا ديار السعوديه
الا يالعازمي لاصرت محتاج وعلاك ديون=ليا قدمت معروضك سواتك نخلص ديونه
اخذنا اللي كتبها الله وبعض الناس جا مغبون=يسمونه وانا ياقوم مدري وش يسمونه
حبيب=العازمي
يصيب الرجال من المواقف طنا طنا=ورمح المطني في عدوه طنا طنا
وصوت الضعيف في المزاحم طناطنا=عسى الله يعزك يا ديار السعوديه
انا معطيني الله والعرب من بعضهم يعطون=وانا ماني بتكسي عند خلق الله يكدونه
نقول ان اصدقانا يوم راحو كلهم يكفون=احد جانا معه مشلح واحد جانا بكرتونه
تركي=الميزاني
انا اسمع وياتي من جهتكم ندا ندا=واشوف المطر لاكن عود ندا ندا
الا ياهل المندي بجمره ندا ندا=.عسى الله يعزك يا ديار السعوديه
حبيب يا حبيب لاتنوشك جمره الغليون=ترا صاحبك لامنه مشا يمشي على هونه
لو اقولك فيه فلوس جيت مصفر الطبلون=واضن الموتر اللي معك ماتقضب دركسونه
حبيب=العازمي
ترانا هل الواد المحدد نفي نفي=ولا عندنا للحق دايم نفي نفي
وشيخ القبيله كلها في نفي نفي=عسى الله يعزك يا ديار السعوديه
ياتركي قامت الايام تنطحنا بغير اقرون=ولا يا وجد روحي للكلام اللي تقولونه
ماجي للمجلس اللي يجمع الصاحي مع المجنون=ولاكن الصراحه والله ان فيه مزيونه
تركي=الميزاني
ليا جا الحدا كلن بطرقه حدا حدا=ولكن ابن عاصي بدربه حدا حدا
من امرين خذ واحد يعني حدا حدا=عسى الله يعزك يا ديار السعوديه
الا يا العازمي لاتمشي بدربك بدون عيون=ترا الرجال مايمشي طريقه غير بعيونه
تباهم يقبلونك مير سنك جاوز القانون=ونفسك تحت حكم الوقت والايام مرهونه
حبيب=العازمي
معاد الكلام يفيد في اللي مضا مضا=مضا ما مضا والسيف حده مضا مضا
لو الصبر كسره ملح قلنا مضا مضا=عسى الله يعزك يا ديار السعوديه
يقولون الرحا دارت وعود حبها مطحون=والا ياما وياما من حبوب" جات مطحونه

0
0
0

محاوره رائعه بكل معنى وقافيه

0
0
0
أختيار رائع ... بارك الله فيك

0
0
0
تحيتي