سلام ردية(ن) للي حضر معنـا وللـي قـرا=للعزوه اللي من بين القبايل مرفوعة(ن) راسها
ياليل ياليل ياليل السعد مـن بـاع والا شـرا=النّاس باسلافها ياجويـده والا قـوي باسهـا
يامرحبا بالمسلم والحضور وكـل مـن هـو درا=وسجل حضوره على الشاشه وشاهد كيف مقباسها
ويالليل ياليلـة الغـدرا ليامـن المسمـى سـرا=قوليله ان المواقـف يالمسمـى جولكـم ناسهـا
تبقون يالوافيه ياليتكم تبقون تحـت الـذرا=دنياك ياصاحبي ماينومن رجاها من ياسهـا
مسرانا يالجابري بالمستكه والا طيب العنبرا=ون هبّت العاصفه طقيتها باخماس فسداسها
مادام بنت انت ليه غير اسريـك لحـدود انقـرا=فصيف تعجبك ياساري ليا مـن هـب نسناسهـا
لاجا معـك صالـح الحربـي تقـدم لاتعـود ورا=وان جاتك انته كبار الروس طق الراس في راسها
يامصلحة العمل بالنوايـا لاتجينـا بالـزرا=وام الكباير ليا قربتني حديت في امواسهـا
انتم منتم بؤامرا ياجماعه ولا انتم بالااوزرا=ابيوتنا بالشرف والشهامه ماينهدم ساسهـا
الاوله قلت يمكن بس جـات التاليـات اعبـرا=والعرج فالماد كيف اتغير لامن دقت اجراسهـا
وين انت يالقايد اللي غبت وانته سبت اللي جرا=ابنوككم كان هذا ربحها قـوم اعلـن افلاسهـا
الاربع ميه معي ونته مامعك غار شايب سرا=الاوله حاسها ولد الهوى والثانيـه داسهـا
أنا احسبنك تعرف اسرارها من متهم من برا=السر في كليبها وانا بري ماني بجسّاسهـا
اربع ميه معك لاكني بسجلهـا عليكـم تـرا=تقطع وحنا نسجلها على مثلـك بقرطاسهـا
ماني مقضيه كل الوقت اقـود واحـدٍ مايـرا=سلام اودع هل المجلس قبل لانجرح احساسها