ملتقى قبيلة حرب الرسمي - الليـل يابنـدر العوفـي ســرى


	الليـل يابنـدر العوفـي ســرى = واليا سرى الليل دمـك لا يفـور اول نخيلـك علـى طلعـة كـرى = واليوم ذكرك مع اصحاب القبـور يا قنص ذبحك على بالـي طـرى = وأثرك على الناب يا لحم الجـزور انته من اول عيونـك مـا تـرى = والقلب والعقـل مختـل الشعـور مايذبح النـاس غيـر الاحـورى = اللـي يدمـي مخاليـب الصقـور انا اعرفـك يالصديـق الاعسـرى = ياللي بلا ريش مـن بـد الطيـور ما يفتن النـاس غيـر الاعـورى = عيسى يذكّيـه بالسيـف النحـور قارون كنزه تـرى تحـت الثـرى = ما يعرف الكنز غير اهل القصـور البـاب دون الفتـن ماسـكـرى = وهرجك حقايقه في بعض الامـور قارون صارت حياتـه فـي زرى = وانته تورطت باعمـاق البحـور التمـر مدهـون لكـن مـا درى = والبن والهيل في وسـط النجـور بالمال مضـرب مثـل كـلٍ قـرى = وش لي بذنبه وذنب اهل الفجـور من يدهن التمـر يبشـر بالـذرى = والبن والهيـل قـدره بالصـدور راحت عليك انتبـه للـي جـرى = ومن يسري الليل يحري بالفطـور اصبر على الحمـل والباقـي ورى = كل ٍ وحمله على وسـق الظهـور ما ينفع الدلو مـن غيـر العـرى = ومنته لنا فيد يـا فيـد النسـور زمزم تـرى بيرهـا بـام القـرى = والطعن عنـد الملاقـى بالنحـور عينك تلاقـط سـوات الازهـرى = اللي مضرى على دهـن السيـور لا جيت مكه نبـى نمشـي بـرى = وعند التلاقي رصاصك مـا يثـور يا قنص بالحيـل دربـك حـدّرى = دوّر على اللُب يـا راع القشـور الشاوي اللي لطرشه مـا حتـرى = وشلون يترك طروشه دون شـور العلم وصلـك صحيـح ومفتـرى = ومن طاح بالفـخ جعلـه مايثـور وش دخّلـك فالعـرب يـا بربـرا = والقرم دايـم بربعـه مـا يبـور كومار يرطن وله سمـع اصـورا = والجسم هزلان من وقت الدهـور